ضع تخيلاتك وأنت صغير هنا....

[Abu-Nasser]

السلام عليكم ورحمة الله وبركاتة...

كنت جالس يوم من الأيام وقاعد أفكر في تخيلاتي وأنا صغير وحبيت تشاركوني بتخيلاتكم وأنتم صغار (فرافير) يالله يا شباب ترى كتبت نفس الموضوع في منتديات لها وأبغى نغطي بتخيلاتنا على الصبايا.. أصلاً عارف أن تخيلات الشباب كلها ( مضارب وتفحيط وسرقت سيارات الأهل .....)
وسوف أبدأ بتخيلاتي وأنا صغير.. هما تخيلين فقط الي أتذكرها...

الأول:

يوم كنت صغير كنت برى السعودية وتحديدا في أمريكا وأنتم تعرفون أن Police (الشرطة) في أمريكا مرة شديدة وكنت أخاف منها بشكل ما تتوقعون ( افلام الكرتون وما تسوي) الى درجة انه اذا مرت قدام البيت أنحاش وأقول بوليس بوليس هههههههه ... ويوم رجعت للمملكة قاعد أدور البوليس واتذكر ان الوالد كان يقول البوليس هم الشرطة وكنت اقول لا لا لا هذولا بوليس تقليد.هههههههههه

الثاني:

انا كنت شقي مرة مرة الا درجة انه كسرت يد أبوي وفلقت أمي مع رأسها بس الله يتوب علينا وما فيه طريقة الأ واتخذها الوالدين لتأدئبي ولا كنت أسمع لهم فأتخذت الوالدة طريقة وهي الي هجدتني وهي كل ما صرقعت بهم كانت تقول بنادي ( يـلـمـلـم) وكنت أخاف من يلملم وأحسبه حرمة لابسة عبائه كبيرة وتأخذ البزران وتحطهم في عبائتها وكنت أخاف مرة.ههههههههههه بس ولا يوم فكرت وش بعد ما تحطنا في عبائتها وش بيصير .هههههههههههههه
الله على أيام الطفولة كانت براءة بس تدرون وش مضيق صدر ان البزارين الأن ما راح يستمتعوا بالبراءة زينا لانهم كل شي انفتح لهم والله يسترهم ويخليهم لأهلهم.
يالله شباب أبغى تفاعل وأتمنى ان لا يكون في الموضوع مبالغة اتمنى انك تروى تخيلاتك بكل صدق......
تحياتي إلكم.