ماذا لو كان الأودس في اليابان ؟!؟!

[loly]

طبعا الكل في دي الفترة مشغول بالحذف والاضافه وساعه الاودس شغال و 10 مقفل ولا لمن تيجي تحذف وتضيف فجأة يقفل ويخرج وترجع تدخل الرقم والباس من أول وجديد ولا لمن نجلس تستنى عبال ما يفتح خاصه بعد الفجر نجلس على اعصابنا و لمن تبغى تلحق على شعبة قبل ما تقفل ولاتروح عليك وشغللللللللللله ولا وحده من صحباتي تقولي فجأة الصفحه تصير كلها مربعات ما فيها ولا كلمة بس ارقام ,,,<< تحفه


ولا لمن ما يشتغل خير شر << أحلى شي


ولا لمن تبغى تضيف مادتين مايكونو متعارضين يقولك فيه تعارض مع انه فيه خلقه مواد متعارضه في الجدول ,,,


وبعد ما ورانا أحمد الشقيري كيف اليابانين اللي انقلبت بعدها حياتنا ومتأكده انه انا وغيري كتيييييييير اتغيرت حياتهم صح مو في كل شي لكن عشان نوصل لازم نمشي خطوة خطوة



فكرت وسألت نفسي



ماذا لو كان الاودس في اليابان ؟؟؟!!!!!!؟!!؟


هل رح يكون بهذا الشكل اللي عندنا ؟؟



طبعا ,, أكييييييد ...لااااااااااااااااااااااااااااااا


فتخيلت كيف رح يكون فقلت ::


أكيد رح يقسمو الأيام حقت الحذف ولاضافه ورح يكون لكل قسم يومين مثلا معينه << انتبهو لكل قسم مو كليه
عشان الطلاب يعملو جداولهم وفي دي اليومين رح يقسمو الوقت حسب الدفعات والمواد

وهذا كان تخيلي لإني بصراحه عانيت من الضغط اللي على الاودس لإنه كان مره سيء وانا متأكده انه لكل واحد فيكم تخيل حسب العجايب اللي شافها من الأودس



فأنتظر ردودكم وتفاعلكم