أبغى رأيـــكم . . . وأعتقد في حرية في إبداء الآراء . .

[صمت الغـروب]

السلام عليك م\ن

صباح او مساء الله يجعلو خير عليكم ان شاء الله . . .

حبايبي ممكن أفضفض . . . . ممكن آخذ رأيكم

واعذروني على اي كلمة حقولها . . .

هل تعليمنا فيه احترام لطالب من حيث : الاعتدال في أخذ كل الحقوق . في تنظيم وتحقيق النظام لارتياح الطالب . .

معليش بس خلونا من تحكم الدكتور\ة في كل شي وفي الدراسه ككل . . ابغى بس اتكلم عن جانب التنظيم . .

>الواقع>
7
7

يناس اليوم الأول اللي هو الســـبت حضرنا عشان اختبار تحديد مستوى الأنجليزي لدى الطالب المستجد . . ..
بدون مبالغه وانا ماعديتهم . . . عدد الطلاب يتراوح مابين 2000 إلى 3000طالب . . هذا إذا ماكانو اكثر

هاذي المشكلة الأولى . .

الثانيه :<لما جينا داخلين.. أنا معاهم صراحه كانو كاتبين انو لازم احضار مرسمه وبرايه ومساحه <
انا ومعظم الشباب انسينا دا الشي . تمام قالولينا ماحد يدخل إلى بمرسمه .

رحنا جبنا مراسم وجينا القينا 500 طالب قدامنا طبعا غير اللي دخلو قبلنا واللي ماجو واللي واقفين فزحمة السير لسا . . وقعدنا والله ساعه إلى كم دقيقه عند الباب تحت الشمس . . وانا حاسبها
طبعا هم مقفلين الأبواب عشان في طلاب دخلو قبلنا . . وغير كدا ماتقدر تقعد في السيارة عشان لايروح عليك السرى . .


ثالثا : اليوم الثاني الأحد . . تعـــال شوف المستجدين . .

دخلت مبنين اظن هيا المخصصة لسنة التحضيريه 73_44 . .
الطلاب اللي يجي واللي يروح واللي قاعد في القاعه مسكين ماهو عارف ينتظر ولا يمشي . .
والله مشعترين وماهم عارفين يسألو ميــــن . . . لأنو مافـــــــــــــــــــــــــــي أحد يسألوه . .
.............. نشوف المشاكل ونشوف حلولها صعبة ولا ..........

طيب المشكلة الأولى اللي هيا عدد الطلاب في اختبار تحديد المستوى . . !!
ماكانو خلوها أيام مفرقه لكل يوم كم طالب يجي عشان لاتحصل الزحمه والتأخير عند بوابة المبنى . .

المشكلة الثانيه . . التعليم مايقدر يوفر مراسم لكل طالب يدخل القاعه . .
سارو العمالة يشترو مراسم من برى ويجوو يبيعووها عند ابواب المبنى . .



المشكلة الثالثه : يعني الجامعة ماهي قادرة تخلي كم دكتور ..خلينا نقول مو دكتور لأنو صعبه يوقف دكتور ويقعد يفهم كل واحد يجي يسألوو . . يخلو كم طالب من القدامى يسولهم كم طاولة في المباني لأسألة المستجدين . . عشان يفهمو ويعرفو هم فين يجو ويروحو وفيه دراسه الأسبوع دا ولا لا . .

جتني والله اكثر من خمس إجابات عن حضور الأسبوع دا ولا لا . . . قالو انو الأسبوع الأول تجي تتعرف على القاعات بس . . . وقالو انو الأسبوع الأول ماينحسب فخصم الدرجات في نهاية الترم . .وقالو انو بعض الدكاترة يعطي دروس في الأسبوع الأول ومراجع . . وقالو انو الأسبوع الأول يبدأ اليوم الفعلي من يوم الأثنين .وماشفنا شي . .
ماي فرند .. راح اليوم (الأثنين ) سأل يقولولو انت لسا ماتحدد مكان القاعات تبع المواد الثقافة الإسلاميه وكم مادة ...


وعلى فكرة انا اداوم من مكه . . بس قاعد اشوفلي سكن فدي اليومين . .
فصعبة اداوم الأسبوع كلو ..إني اجي وماألاقي احد . . لو ألقى دكتور قدامي والله اداوم كل يوم عاتي .. بس اجي وقعد انتظر المحاضرة بعد المحاضرة ومايجي احد






حبـــايبي انا ماأقول الكلام ذا تفوه ولا تسخط ولا تشويه لسمعة الجامعة . . او اي جامعة . .
لا والله
بس يناس لو كان فيه تنظيم يكوووون في لوحات ارشاديه فيه شي يوضح لنا اش اللي لي واش اللي عليا . .

هادا مع بداية السنة الله يعين وسط ونهاية السنة . .

أبغى رأيكم ولو انتقاداتكم على كلامي . . . اكيد في اخطاء في اللي قلتو وفيه نقول شي من الصحه . .

لكن والله هادا اللي صار . .

انتظر ردودكم . .