خايفه من موادي شكلها صعبه :(

[ضوضائيه]

السلام عليكم
انا اليوم حولت من انتساب لأنتظام ولأن الحذف والاضافه قفلو فرحت سويت جدولي في الشؤن المهم لمن سوتلي الجدول قالت لي ان الشعب مره زحمه وسوت لي جدول تقريباً على كيفها بدون ماتستشير وتقولي الشعب زحمه ماحيمديك تختاري على كيفك تقولي حشوف لك الشعب الفاضيه
بس الماده الحره الي اخترتها ولمن رجعت البيت وشفت المواد الي كنت ابغاها لقيت الشعب فيها مفتوحه ليه سوت كذا معي مره انقهرت في مواد ماكنت ابغاها مره وحطتها لي مايمدي يوم السبت اقولها غيريلي

المهم هذي موادي ابغا أسأل عنها

اول ماده وهي ماده حره اخترتها عالاسم بس واخترتها 3 ساعات عشان ان شاء الله يارب ترفع لي المعدل مع اني سمعت يقولو افضل شي تخلي المواد الحره على المستويات الاخيره عشان ترفع المعدل الماده اسمها نظام التعليم في المملكه العربيه السعوديه كيف الماده سهله او صعبه كثيره او خفيفه

وكمان حطت لي عربي 102 ومو حابه انو في هذا المستوى انا عربي 101 نجحت فيه عالحافه وصدفه كمان والاسئله كانت تعتبر سهله لأني انتساب

وحطت لي ثقافه 102 مشي الحال

وحطت لي علم الانسان العام ( احسها كثيره مره )

وحطت لي كمان مناهج البحث الاجتماعي ( الماده اسمها يخوف وشكلها صعبه وكثيره )

كنت حاطه في بالي مواد ثانيه وحطمتني لمن قالت لي قفلت الشعب وارجع البيت القى الشعب لسى ماهي حمرا في المواد الي ابغاها

اش رايكم في المواد
واش رايكم في الجدول مو عاجبني ابداً ابداً الاوقات غبيه :( كنت ابغى اخذ راحتي وانا اختار الماده الحره واحدد الترم هذا بالذات اش المواد الي ابغاها والاستاذات الي ابغاهم بس ماحصل الي بدي اياه يلا المهم تحولت انتظام :(