سااااااااااعدوني كيف اذاكر

[حنين الود]

أول خطوه تعرف الكتاب وتتأكد منه وتاخذ فكره عن استاذ الماده وطريقه اسئلته للسميسترات الي راحت تحضر الدورة التأهيليه اذا قدرت لو ماقدرت تواصل مع الطلاب في المنتدى وتعرف كل حاجه منهم مثلا ايش الي معاكم ايش المحذوف وزي كدا وتأخذ ملازم منهم او ملخصات عشان تتاكد ان كل حاجه متوفره عندك
الخطوه التانيه انك تشوف ايش هيا المواد الي عندك مثلا انتا كاتب عندك ريدنق تقرا وحاول تغطي المنهج وتاخذ فكره وتدرب نفسك تدريب سريع لان مافي وقت وذاكر الكلمات لو فيه في الكتاب وترجمها واحفظها ماتاخذ وقت شد حيلك فيها
والمواد التانيه مثلا ليسننق ماده سهله برضو يعتمد عليك
الشي التالت فيه ناس تحب تختم ماده وتبدأ في التانيه عشان مايشيلوا همها ويقولوا باقيلنا كدا وكدا
وفيه ناس يحبوا يختموا كم شابتر من الماده ويبدوا في التانيه عشان مايحسوا بالملل يعتمد على طريقتك واسلوبك وكمان يعتمد على الماده نفسها ايش هيا المواد الي بتدرسها وزي كدا بالتوفيق