ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[فرحة]

المشاركة الأصلية كتبت بواسطة dody.1 السلام عليكم .. بنات راح تستفيدو من هذا الروابط كثير .., ماده الحاسب .. اسم الكتاب مهارات الحاسب اللآلي 100 .. { بالنسبه للماده مره حلوه وحندرس هذا الترم الوورد والاكسل والاكسس والمقدمات عن الجهاز يعني مثلا زي انواع الاخراج والادخال والرام ram و rom والفرق بينهم * ركزو عالبدايات الابواب الاولى لانها مره مهم وعليها اسئله كثير طبعا اللي عرفته ان الاختبار كله نظري وصح وخطأ واختياري وبالنسبه للورد والاكسل والاكسس تعرفو على شكل الايقونات ووظايفها .. تقريبا هذا اهم شيء عرفته } " ان شاء الله بعد ما نخلص من الدوره راح اقولك عالتخطيطات والملخصات والاشياء الاكثر اهميه واللي ركزت عليها لان زي ما تعرفون دايما بالنهايه كل شيء يوضح " وهذا الرابط فيه نماذج اسئله , الملخصات , والاشياء الثانيه تبع السنه اللي راحت ان شاء الله تفيدكم .., http://www./vb/showthread.php?t=9700 =ـــــــــــــــــــــــــــــــــــــــــــــــ = مادة المهارات اللغوية ..( اللغه العربية) اسم الكتاب : المهارات اللغوية المستوى الأول { طبعا الماده معانا كلها من طقق للسلام عليكم كلمت الاستاذ عن الكتاب قال كللللله معاكم > المهم انا اخذها بغرفه 914 الاستاذ كويس ويشرح القاعدات بطريقه حلوه ومفهومه ولين دحين ما ركز على شيء معين وصلنا لما الممنوع من الصرف واليوم ان شاء الله حنكمل .., طبعا اعذروني ما اقدر انزل الشرح دحين لان وربي ما عندي وقت والقاعدات طويله لكن ان شاء الله بعد الدوره راح اكتب كل حاجه عرفتها وراح اقولك اذا رحمنا ولخص معانا ولالا } وهذا رابط فيه مخلصات ونماذج اختبار للمهارات اللغويه للسنه اللي راحت تفيدكم يارب .., http://www./vb/showthread.php?t=9698 =ـــــــــــــــــــــــــــــــــــــــــــــــ = مادة الثقافه الاسلاميه .. اسم الكتاب : الثقافة الاسلامية المستوى الأول {وهذ الماده كمان معانا كللللها والاستاذه قالت بالمحاضره الاولى ترى اكثر الرسوب بالثقافه انتبهو عاد وغير كذا الادله حتجينا بصيغه هو يكتبلك الايه ويقولك على ايش تدل > لازم تحفظو كل ايه على ايش تدل وان شاء الله اذا قدر اخذ اي شيء بخصوص الثقافه راح اقولكم عليه واذا حذفت راح اقولكم الاشياء المحذوفه ..} امم هذا الرابط كمان نفس الحكايه نماذج اختبار وملخصات للسنه اللي راحت .., http://www./vb/showthread.php?t=9701 =ـــــــــــــــــــــــــــــــــــــــــــــــ = مادة الرياضيات .. اسم الكتاب مبادئ الرياضيات وتطبيقاتها للتخصصات النظريه .. { مادة حلوه والحمد تمكنت من الحصول عالاشياء اللي معانا بس للاسف كانت بس للفصل الاول والثاني هذا المنهج اللي ادرسو بخصوص هذا الترم وانا اتأكدت منه من الدكتوره سوزان اللي بغرفه 419 دكتوره مره كويسه ما شاء الله شرحها مره بسيط وينفهم تعالو عندي ^^ المحاضره السبت والاثنين والاربعاء من الساعه 4.35 لما 5.45 .. الجدول كالتالي > حطو ببالكم بس للفصلين الاولى وان شاء الله اذا قدرت اخذ الثالث والرابع راح اكتبه وهذا الرابط فيه ايضا ملخصات واسئلة للسنه اللي راحت http://www./vb/showthread.php?t=9888 =ـــــــــــــــــــــــــــــــــــــــــــــــ = مادة اللغة الانجليزية .. اسم الكتاب north star (introductory)l { بالنسبة للبنات اللي خايفين من الانقليزي وربي سهل وان شاء الله تقدرو تاخذو 100 اهم حاجه لازم تحفظي الكلمات مزبوووط وتعرفي معانيها بالنسبه للكلمات تلاقيها بالتمارين تكون على شكل فراغات و ترجموالقطع وافهمو قبل ما تحفظو المعاني وذاكري القاعادت مزبوط وحلول كل التمارين موجوده باخر الكتاب موفقين يارب وان شاء الله اذا قالت فيه شيء مهم او اذا حذفت شيء حقولكم عليه ..} هذا الرابط يساعدك راح يبين لك اذا انتي فاهمه القاعدات مزبوط ولالا وبشكل اوضح هو عباره عن اسئله وتحليها ويقولك اذا حلك صح اولا .. http://www.paradigmdev.eu/mosiac_fog/index.html =ـــــــــــــــــــــــــــــــــــــــــــــــ = واخيييرا .., معليش اختي فرحة ما قدرت ارسلك عالخاص لان مشاركاتي قليله .., اشوفكم بعد ما نخلص الدوره تحياتي لكل .., دعواتكم يحقق اللي ببالي واصير انتظام .., اللهم صلي وسلم على سيدنا محمد .., بآي ..,

الله يسعدك ويفرح قلبك
ويفرج همك
وينور دربك
ويوسع صدرك