نقاش بعد الإختبار الدوري الأول _ عنوان معدل

[سماح زكريا]

السلآم عليكم



والله الكل يشتكي


والكل زعلآن... وأنا أولهم تخيل اليوم رحت أشوف درجتي الفيزيا عشان مانزلت ع الموقع فرحت عند

الدكتورة عشان آخذ الدرجة لما رحت عندها قالتلي الدرجة وشفتها جاني زي التبلد مافش أدنى إحساس

بالمسؤوولية نقصت فيلو 10 درجات بس ماااااادري ليه تقبلت الصدمة بكل هدووووء بالرغم اني في

الثنوي كنت أبكي ع الربع واذا مابكيت يعني انو شي يبقى في نفسي بس مااقول غير حسبي الله عليهم

حسبي الله عليهم...بس احنا اش بيدنا ؟؟؟؟ في الجامعة مافي شي اسمو تشتكي وتعيد اختبار وبونس لألألأ

فيه انك تاخذ درجتك وتسكت عليها بس فـعــــــــــــــــــــــــــلا...كل شي مقدر ومكتوب في الجبين اللي انتا

حتاخذو هوا نصيبك اللي ربنا قسملك هوا لآتعترض وتتضجر لأنو مصيرك مقدر قبل تنخلق السما

والأرض طيب ليييييه نزعل لييييييييه من جد شي يقهر بس اللي إيمانو قوي هوا اللي حيرضى باللي كتبو

ربنا .. وكل دكتورة أو طالبة أو لها دور في الجامعة لآزم تعرف إنو ربي فوووووقها ..احمدوا ربكم انتو

يالأولاد ماحصل ليكم زي اللي حص لينا وحده من الدكتورات ادت لشعبتها أسئلة الإختبار وفي من البنات

معاهم نفففففس الأسئلة وانا شايفتهم بيراجعوها قبل الإختبار بس الله يمهل ولا يهمل..خلآص اللي راح

راح واحنا طفشنا من المذااكرة بس برضو فيه أمل دوري وفاينل يعني نقدر نعوض ...وحده من صحباتي

تقول انا مره درجتي وحشه وسألتها كم جابت قالت 23 وسكتت شويا تقول بس الحمدلله انا ماذامرت كنت

تعبااانة وماقمت من السرير وجيت حليت شختك بختك وجبت يعني رحمة من ربنا<<<طيب اللي مانام

ولا أكل ولا شرب في ليلة الإمتحان وحل وهوا واثق من نفسو وخرج من الإختبار فرحااااان وبالآخر

انصدم بدرجة أقل من العشرين باللهي مووووو حرااااااااااااااااااام يعني أنا أتساوى بوحدة مافتحت الكتاب

ولاتعرف اش فيلو.......وضعنا سيء بس مابيدنا شي الدمووع مارح تعدل اللي فاات والنفسية

سيئة ...طيب اش استفدنا لآزم شند حيلنا أكثر وأكثر لآزم نستغل الوقت ونشوف فرصة في كل صعووبة

<<نكون متفاائلين...بس مانشوف صعوبة في كل فرصة<<عشان لآنكون متشائمين...راح القليل وبقي

الكثييييييير والكثييييييييير عندنا فرص أكثر من الفرص اللي راحت ..لآزم نكوون قدهاااا..


أما عن اللي ماردوا فأنا أقووولك إنهم في قمة الإحبااااط لأنهم من جد مو عارفين اش يعملو طيب يردو على ايه هما عايشين نفس وضعك ...



الحمدلله على كل حااال