قنبلة إحساس...

[إحسـ رسامه ـاس]

(قنبلة إحساس)

قول عادي بالي الليلة طويل

شوفـلك عذرً قديم واقبله

ـ ـ ـ

لاتحاتي قلبـي متعود يشيل

الجروح اللــي تجيله مقبله

ـ ـ ـ

طيبتي صارت مثل (كف البخيل)

أي شي طايــح تشوفه تحمله

ـ ـ ـ

ومو غريــبة إني الليلة عليل

(الحزن) يحسبني واحد من هله

ـ ـ ـ

وموغريــبة لو تمنيت الرحيل

البقاء أحــيان يعني البهذله

ـ ـ ـ

في (غيابـك) مالها الضيقة مثيل

وربــي اللي مايشائه يفعله

ـ ـ ـ

من يلاقي لدنيتي هذي بديل

خل يجيـني أي شخص أبدله

ـ ـ ـ

وعيب رأسي لابغى شي مستحيل

يوصله مو طيب (غصباً) يوصله

ـ ـ ـ

ليه راجع لــيه ذاكر يالأصيل

أنـت ضايق في (خطأ بالمسألة)

ـ ـ ـ

وليه تبكي من كلامي يالدخيل

المشاعر مالــها بقلبك صله

ـ ـ ـ

والبلاء إن (حــب) رجال ثقيل

ينسى من حوله ويسمع( مذهله)

ـ ـ ـ

ومن (عرفتك) حظي العاثر يميل

أعترفلك إني (عاجــز) أعدله

ـ ـ ـ

فاقد (الإحساس) مايعطي القليل

وأن (عطيته إحساس قلبك) يقتله

ـ ـ ـ

إيه أبرحل والطريق أدري طويل

مشكله (قربك) وبعدك مشكله

ـ ـ ـ

وأن خذاني الموت أترك قال وقيل

قول هالجمـله وخـطاك محــلله

ـ ـ ـ

(ربي الهم أهله الصبر الجميل)

(وأرحمه يأرب وأحسن مدخله)

مما راق لي كثيراً...