اسمعوا قصة خالتي بعد رجوعها من الزواج ...!!

[شموخ لاينتهي..!!]

السلام عليكم ورحمة الله وبركاته..

القسم نايم مو من عادته ..

كيفكم حبيباتي..
بقولكم قصة خالتي اللي عمرها 25سنه شوفوا وش صار فيها..
كان الزواج بشهر سته العام الماضي وكانت متشيكه وقاريه على نفسها الاذكار وسور من القران على عجل !!
بس كانت مبينه شوي من صدرها..
اول مادخلت القاعه الكل يناظر فيها بغيره من فوق لتحت..!
كانت قمة الشياكه ماشاء الله عليها..
حست بألم في صدرها مو طبيعي ..
تجاهلت الموضوع وكملت الزواج...
اليوم الثاني زاد الالم اكثر واكثر لدرجه انها ماتقدر تحرك الجزء الايسر من جسمها بالكامل..
تجاهلت الموضوع ..
اليوم الثالث زااااااد ..هنا بدأت تشك وجات هواجيس ووساوس من كل ناحيه وتدهورت حالتها النفسيه بشكل مو طبيعي..
خاصه انها تخاف من كل شي ..
وصارت تسولف معنا وشوي تتكلم عن الامراض وعن الموت ..
يعني تغيرت 180 درجه..
خالي اقنعها تروح للشيخ وراحت وقال لها انه عين واعطاها بعض الاعشاب ..
والالم مازال مستمر ..
اهلي حاولوا انها تروح المستشفى وهيه مارضيت لانها خايفه يصدمونها بالمرض الخبيث الله يجيرنا منه..
بعد محاولات راحت للمستشفى وقالوا لها انه ورم حميد..
طبعا بعد مالعبوا فيها لعب ..
استئصلوا الورم الحميد والحمد لله..

قبل فترة خبروها انه في احتمال كبير بوجود ورم خبيث في صدرها ويجب استئصاله..!
هنا خالتي انهاااااااااااااااااارت خاصه انه عندها ولد وبنت..
قالوا لها الاطباء بكل برود:
احتمال انه السرطان انتشر بجسمك.!
هنا صرخت خالتي وحطت كل اللوم علينا لان نحنا اللي حاولنا فيها وخليناها تروح للمستشفى..
والى الان ماندري هل السرطان انتشر ولا بس في صدرها والجزء العلوي من جسمها..
بس اللي اعرفه
ان خالتي مو خالتي شكلها مو شكلها ونفسيتها في الحضيييييييييييض
وكل يوم وهيه في المستشفى والحين قالوا انو انتشر في الحنجرة :(
مافيه ولا شعرة بجسمها وربي تقطع القلب ..
اللي ابيه منكم
انكم تحافظون على انفسكم وتقرون الاذكار يوميا وبتمعن..
وانكم تدعون لها من قلب صادق لان الدعاء بظهر الغيب مستجاب بإذن الله..
وانكم تدعون في سجودكم وتقولون..
اللهم اشفي خالة شموخ لاينتهي..!!(فاطمة علي)شفاء لايغادر سقما
اللهم رب الناس اذهب الباس اشفي انت الشافي شفاؤك لايغادر سقما..
واي دعوه بس خلوها لوجه الله ..
وان شاء الله احط لكم خبر شفاءها ياااااااااااااااااااااااااااااااااااااا رب

المنتظرة فرج ربها:
شموخ لاينتهي..!!

اضاءة:
*انا اعتذر منكم اني حطيته هنا بس ماعرفت وين احطه..
* انا مسميه نفسي في منتديات ثانيه (الجوهرة المضيئة ) فلا تستغربون اذا شفتوه بمنتدى ثاني..