اش رايكم نعترض على نظام السنترا يابنات خطة (ب )

[Rare-Rose]

السلام عليكم ورحمة الله وبركاته

بنات اخباركم ان شاء الله تمام

ابغى اقولكم شيء يقرقع في قلبي قلت لازم اقرقعكم معاي << بديت بالشر
ياعسولات اش رايكم نعترض على برنامج السنترا لأنه من حقنا نعترض كان قالولنا قبل مانسجل انه حتكون دورتنا نظام تعليم عن بعد عشان ما نسجل

بنات طب اش رايكم اننا نروح بربطة المعلم على الجامعة ونقول مانبغى السنترا
خلوه للي خارج جدة احنا حنضيع كذا كله من وقتنا لاتنسوى ان الاختبار ماباقي عليه شيء
نروح كلنا كلمة واحدة لا للسنترا لبنات جدة نعم لحضورنا .. والله من اللي سووه فيني

بس بجد والله في بنت قالت لي ليه ماتعترضون من حقكم انكم تعترضوا
حتى اسالوا العضوة عسل والعضوة شجون كانوا معي

يخلون نظام السنترا اختياري مو هو الدورة الاساسية يعني شايفينا سكتنا ورضخنا لطلباتهم

يعني اللي تبغى سنتراتاخذه او يخلونه للي خارج جدة اما بنات جدة فهذا ظلم لهم يعني نوصل الامر لفوق حتى لوتوصل لرئيس الجامعة هذا من حقنا احنا مادفعنا هاذي الفلوس عشان ناخذ تعليم عن بعد كان دخلت تعليم عن بعد وريحت راسي لو مارضوا خلاص يردوا فلوسنا مو بكيفهم يعطونا هاذي الدورة والله هما مافهمين سالفتها دوخوني اليوم في الجامعة من مبنى لمبنى راميني كأني والله اشحت منهم غير التعامل الزفت اللي يعاملوكي فيه بجد يابنات كلنا تعترض ونطالب بالمساواة بالطلاب
الطلاب سوو لهم دورة تأهلية ليه مخلونا مثلهم فين العدل كذا يعني ليه عشانهم اولاد واحنا بنات
فين المساواة ردوا يابنات عليا والله اني قلقانة قلق موطبيعي ونفسيتي زفت ولا حتى ليا نفس للمذاكرة ردوا بالله عيكم لا تطنشوني عشان نعرف راسنا من رجولنا