تقرير دوام الجامعة اليوم من حيث رؤيتي .. مع بعض الصور بعد نُزول المطر هُناك .. !

[Adel Al-Amoudi]

السلام عليكم و رحمة الله و بركاته ..


حيا الله الشباب جميعاً ..


بعد تفكير طويل عصيب ليلة أمس قررت صباح اليوم الذهاب بـ نفسي للجامعة ..
لأرى بـ نقسي الدوام و الجامعة لأني ما أطمن و أتمن على أحد ! ..

في البداية و أنا جاي مع المطار القديم أوّل المفاجئات كانت الموووووووية
على مستوى الإسفلت بـ حيث تمشي شوية شوية حوالي شارعين أو ثلاث ماني فاكر

دخلنا الجامعة من بوابة 1 طبعاً و كانت الأمور ما في شي و انا أمشي في بحيرات
على خفيييييف .. ما أطول عليكم نكمّل الهرجة سريع سريع !

طبعاً مبنى (107) محاضرات حاسب عندي هُناك للأسف مافي تكييف
و الدكتور ما حضر قعدنا انا و 4 من زملائي حوالي ربع ساعة و اكثر بـ شوية
ما أخفيكم انه في فصل جنبنا جاهم الدكتور حقّهم و لا ادري اذا حضّر أو لا ..

بعد ذلك من 8:30 الى 9 و نحنا ننتظر دكتور الثقافة الاسلامية و كويّس جااا
طبعاً ذا الكلام في مبنى 44 .. و جاء و اعطانا درجات الاختبار الدوري الأوّل
و درس طبعاً , بس ما حضّر حسب ما شفت أنا قدامي ! ..

مبنى 40 الرياضيات برضو ما جاااا , قعدنا حوالي من 10 - 10:30

و تقريباً انا طالع من هناك [ الجو كان مغيّم ما في شمس أبداً قلت شكلها مطر ]

انطلقنا الى مبنى 73 علشان انجليزي أول محاضرة 9 طُلاب فقط الي جووو
و مع ذلك حضّر و درس خفيف ( كانت المحاضرة ليسينج )

انتهت المحاضرة الساعة 12 و طبعاً بريييييييييييييييييك و اتوجه مشياً ع الأقدام
الى مبنى 125 ثم الى كلية الادارة و الاقتصاد هُناك كانت المفاجئة ايييييييييييييش هيا يا تُرى ؟
هُطول امطار بما يُسمى أمطار ( هتّان ) .. استمر لمدّة ع الأقل 10 - 15 دقيقة

و طبعاً دخلت مبنى 81 الى ان توقفت الامطار و ليتني ما رحت يا اني تعدمت عددددم
مو طبيعييييييييييييييي أبداً .. بحيث كُنت كذا مرة بـ تزحلق و انقلب على ظهري لو لا حذري
الشديييييييييييييييييييييييييييييييييد .. خسارة ما صورت حاجة لكن في صور قدام بعد نهاية الدوام

عموماً .. رجعت لـ مبنى 73 علشان الانجليزي المحاضرة الثانية غسلت رجلي " اكرمكم الله "
و توضيت و صليت الظهر و توجهت الى ملاقاة احد اصدقائي حوالي نص ساعة
حركت على الفصل و المفاجاااااة ما في الا انا و المدرس " و العصير تبعي "
جلست يدووووبك ربع ساعة الا قلي الي تشوفه تبغى تمشي و لا تقعد نهرج قلتلي خلاص
نشوفك على خير " يفهم عربي لانه اردني او تونسي حاجة من ذا القبيل "

عموماً رحت للدوار القريب من المبنى ذا و الي يدخلك على كلية الاداب و العلوم الانسانية
البوابة الي ما تدخلها الا بـ تصريح و بينما انتظر السواق يجي ..

صورت لكم صورتين كذا ع الطاير لـ منظر المواقف ! ..








طبعاً ما أخفيكم حاجة ثانية أنهم حاطين اكياس ترابية مدري اسمنت مدري اصلاً ايش قدام
قدام اغلب المباني ان ما كانت كُلها في الحقيقة .. مدري نحنا في حرب و بـ يهاجموننا مثلاً


المهم ذي صورة من امام بوابة كلية الأداب و العلوم الإنسانية من الجنب و انتا رايح على مبنى 125

طيب معليش على الصورة المشوشة تقريباً لأنها مقصوصة من فيديو سريييييييييييع







طبعاً أصوّر و انا خايف احد يشوفني ..



طبعاً رجعنا البيت و طريق بني مالك نفس حالة طريق المطار القديم .. !
و كانت الاجواء مغيمة بعد طلوعنا الساعة 1 في طريقنا للبيت
الساعة 2 تقريباً كانت شمس

يعني الدنيا مقلوبة ما بين شمس و مغيّم استمر يمكن حتى العصر
و ما ادري حتى اذا نزل أمطار بعد ذلك " لأني كنت نايم " ..





ملاحظات :



- الحضور كان نسبي لا بأس به لكن عموماً جو ناس و المحاضرات يا طلاب بلا دكتور
يا دكتور بلا طلاب ( زي الانجليزي ) .. طبعاً كانت كل الفصول في مبنى 73
الدور الارضي بالتحديد ..

و في فصول جات لهم دكاترة خصوصاً في مبنى 44 " الدور الارضي "
و مبنى 40 " الدور العلوي " .. بس مو كل الفصول كانت فيها
و ما ادري بخصوص التحضير هُناك ! ..

- عن نفسي لو ما جيت كانت افيد لي 3 محاضرات بدون تحضير
و محاضرة من الـ 3 محاضرات " ليسينج "

- الدنيا كانت معدومة بـ التُراب و يُقال ما في شبكة خصوصاً للصراف " سامبا "
في مبنى 125 و مبنى 81 لكن في عمادة شؤون الطلاب مفتوحة

- السيستم " النظام " يقولوا تعطّل في شؤون الطُلاب و الشبكة عموماً ما في
حتى لاحظت التكييف محدود ! ..

- طبعاً فطرت اوّل ما حضرت الساعة 8 الا في كافتيريا " ركن القهوة "
عند مبنى 73 .. !







اتمنى عجكم التقرير الي ما كان هذاك الجيد انا عارف ..



دمتم في حفظ الله و رعايته .. !




# الموضوع مدري اذا في مكانه الصحيح او المفروض يكون في الحوار الجامعي ؟