خاص لحملة حياتي بلا اغاني خبر حلو :)

[.,.نيــــــــــــــــــــران.,.]

السلام عليكم ورحمة الله وبركاته



اليوووووووم احلى ايام حياتي واعتبرها البداية لانطلاق حملتنا بإذن الله

طبعا انا اول كلمت دكتورة منيرة باحمدان وعرضت عليها فكرتنا لكن للان مالقيت جواب وعرض الفكرة عليها مالقيت تشجيع فيه صراحة وجاتني فترة احبااااااااط شديد لمن شفت الشغل نايم


المهم قلت يابنت في لجنة كلية الاقتصاد والادارة لجنة جديدة وبأشوف كيف معاهم

وكلمت فنو اليوم وقلتلها ادعييييييييلي بروح اشوف موضوع الحملة


رحت 420 ودخلت لقيت موظفة رحبت فيني ومن اول ماقلت لها ع الموضوع قالت الله فكرة رووووووووووعة راح تفرح فيها استاذة سارة (رئيسة اللجنة) تفضلي معايا عندها

رحت لها وسلمت عليا ورحبت فيني وقلت لها ع الموضوع وأعجبت جدا جدا بعملنا وقالت ياهي حتكون منافسة كبيرة بين الكليات >>يعني احنا حنكون أحسن

وسألتني من متى سويتوه ومين معاك؟ قلت لها من رمضان أكثر من شهر احنا شغالين فيه وسواه معايا طلاب وطالبات من كافة كليات الجامعة حتى من الطب !!

قالت واو والله شي مرة حلو

المهم انا خلاص شويه واطير في السما من الفرحة أخيرا في احد حيدعمنا ويرعى فكرتنا رسميا

وسألتني نزلتوه في منتدى الجامعة ؟ قلت لها اصلا من هناك بدأنا

صراحة الاستاذتين اللي استقبلوني قمة في الاخلاق والتعامل أسأل الله العظيم أن يجازيهم خير الجزاء ويجعل مثواهم الجنة ويسعدهم دنياااا واخررررة

شفت حبيبتي انثى المفاجآت نهاية الدوام وكانت اول من زفيت له الخبر



دحين نبغه نجدد عملنا واخلاصنا وكل واحد فيكم يجهز الاعمال اللي سواها عشان لو صار اي تعديل بسرعة نعدله لانه ماباقي وقت


على فكرة اللي من اقتصاد وادارة في لجان ثقافية دينية اجتماعية وفيها نشاطات ودورات مرة حلوة ورحلات

انا سجلت في الاجتماعي /ديني ، اللي تبغه تسجل تروح 420 ، واكيد في باقي الكليات عاملين لجان كمان


وبس :)



أحبكم