ليش كليه العلوم

[never hide]

بصراحة كلية العلوم اللي بيدخلها لازم يكرف نفسه على الآخر عشان يتميز و يطلع عالم أو باحث ...

أول شيء يعتمد على ميولك و هدفك من دخول كلية العلوم اش تبغى تصير لما تتخرج ...

إذا تبغى و ظيفة مضمونة بمجرد التخرج فأنصحك بالهندسة أو الطب أو اي قسم مستقبله مضمون .

أما إذا كنت تحب تخصصك و تحب العلم لذاته و تقدر تكرف نفسك و تجيب معدل عالي و تطمح لاستكمال الدراسات العليا فيمكنك أن تدخل أي تخصص في العلوم و إن شاء الله بيكون لك مستقبل جيد .

لأنه بصراحة لو ما جبت معدل كويس في العلوم فاحتمالية توفر الفرص الوظيفية ضئيلة جدا ...
و في الاخير راح تضطر تشتغل في اي وظيفة عادية زيك زي واحد معاه ثانوي ...

هي هاذي الحقيقة ... أنا أحد خريجات العلوم و أتحدث من الواقع الذي عايشته ...

المعدل العالي شرط لشغل أي وظيفة للي تخصصهم علوم و على سبيل المثال :

العمل في مراكز الأبحاث أو العمل كمعيد في الجامعة كلاهما يشترطان معدل عالي ...

أو لو كان معدلك منخفض تضطر للعمل في مصنع براتب قليل ..

إذا عزمت على التفوق في كلية العلوم فتوكل على الله و ابذل قصارى جهدك للتفوق و ستجد الأبواب مشرعة لك بإذن الله .