صباح الطهر بعيون البنات بصف اول " ب " . . .

[( أميرك ياخادمي)]

يسعد ايامكم ياااااااااااااااااااااااااااااااااااااااارب
-----------------.............-----------------
صباح الطهر بعيون البنات بصف اول " ب " . .
ولا هانوا عيال اول " أ " . . في ذاكرة حرفي . . .

اشوف الصبح بعيون الصغار يغير الأسماء . .
واصير أنـــا النهار . . وهم بنات النور بطرفي . . .

صباح النبض وعيون السحاب ورغبة الأشياء . .
صباح الما وترتيب الغيوم . . وكل مانخفي . . .

إذا حنا قرينا الصبح ظلم نموت به احياء . .
ونحيا للأمل قصه ليالي . . مارضت تصفي . . .

صحيح العمر ماعمره مشى متعطر الأجواء . .
ولكنه على قده خطاه . . تقول ذا طرفي . . .

صباحات القناعه فصل اخر مااعترف بانواء . .
ربيع اللحظه يعيش الخريف . . الممطر المجفي . . .

هنا عاش الكثير وغادروا في رحلة الصحراء . .
وهنا مات الكثير ولادرى عنهم . . وطن منفي . . .

هنا اكثر غرابه لو يعيش الصبح دون اعياء . .
ولكن وش بقى فـ ايد الغريب . . وصبحه المطفي . . .

هنا ببكي هنا بكتب عن اللي راح واللي جاء . .
وبنقش كم لقينا صرخةٍ . . في الشارع الخلفي . . .

نشيد الأرض ماهو سارعي للمجد والعلياء . .
نشيد الأرض كفك لابنى . . واستوطنه كفي . . .

أنـــا ماني رسول ولاني اكبر من قرا الأنباء . .
ولكن سجلوا عني خطوط . . الغافي المغفي . . .

تعبت احايل الصبح العنيد بقيمة الأغواء . .
تعبت اسايس احلام الصبا . . والخاطر المقفي . . .

إذا صار الصباح الدمع وش باقي على الأطراء . .
تعبنا من سمو الموت . . لاهيمن على حتفي . . .

ألا ياصبح دخلك كم شربنا من الألف للياء . .
تعال وشوفني وحدي هنا . . في غربتي معفي . . .

ادور لضيا في زحمة الفارغ من الضوضاء . .
ولا حصلت غير احزاب تنبش . . للوطن كتفي . . .

ايا معنى الصباح ارحل وخلك بالأمل معطاء . .
ولا تسمع كلامي دامني . . مجنون في صفي . . .

أنـــا نصف ارتوائي صرختي ودموعي الخرساء . .
ولا باقي معاي للجاي إلا . . مانفى نصفي . . .

أنـــا بقرا الصباح اطفال غيمه ما امطرت بالماء . .
ولكن ربما تمطر بعد . . ماترتوي نزفي . . .

صباح اول " أ " دام الضيا كله بأول " ب " . .
صباح الطهر ياروح الوطن . . في ذاكرة حرفي . . .
-----------------.............-----------------
أخوكـ