طريقة الاخلاء المفجعة !!

[*Mimi-Chan*]

يا جماعة هذا عادي!!!

أنا و صحباتي أنطردنا الشارع حرفيا و قالتلنا حرمة الأمن "ما نبغى نتحمل مسؤوليتكم"

و وقفنا أنا و بنات الجامعة نرجع السيارات و الشرطي التيس الجمل واقف زي الإشارة ما يسوي شيء و إحنا قاعدين نرجع السيارات صرنا شرطة!!!!!


و الله بوريهم شغلهم رح أصور الجامعة و قريبي يشتغل بهيئة حقوق الإنسان لما حكيته إنهم طردونا من الجامعة وقت إنهم "شكوااااااااااااااا" إن في سيل

قعد يضحك و قال إيش الغباء ده لما بيكون في سيل المفروض يحبسوكم جوا المباني و يطلعوكم فوق!!!!

قاللي لو تحبي تصوري الجامعة و أنا بعطي الصور للمدير حقي يسووا تحقيق و بعطيها لصديقي يشتغل في مجلة

قلتله عيوووووووووووووووووني!!!!

أصلا أتحدى وحدة من الأمن ولا الشؤون تعرف تسوي cpr ولا إسعافات

كلهم متخلفين!!!!!!! و الله رح أوريهم شغلهم!!!!

لما وحده يغمى عليها يقعدوا يصرخوا و يقولوا شيلوها أو بنت مغمى عليها و يقولوا أعطوها شوكلاته (مدري هي البنت المغمى عليها عندها القدرة إنها تمضغ ولا كيف) و لما وحدة تدوخ يقعدوا يطاااااااالعوا زي الولايا!!!!!

و لما قالوا إن في إحتمال سيول و قالولنا روحوا أقرؤوا إجراءات "السلامة" عند البوابات رحت أقرأها لقيتهم يقولوا (أحتفظي ببطاقتك و بطاقتك لازم تكون معاك و لا تعطي بطاقتك لأحد) كأن إيش هم حاطين إجراءات انتشال الجثث علشان لما تغرقوا نعرف نتعرف على جثثكم -_-"


حسبي الله عليهم و الله ربي رح يوريهم شغلهم!!!!
أرواح الناس و حياتهم مو لعبة في يدهم