فمان الله يالولو بحر ماجابه الغطاس.......

[الـ اميرة ـورد]

‎
فمان الله يالولو بحر ماجابه الغطاس

فمان الله يالولو بحر ماجابه الغطاس
فمان الله يا أطهر وأبيض قلب حبيتـه

فمان الله في دنيا سعيده كلهـا أوناس
هذاك الدرب ينتظرك وأنا دربي تنصيتـه

نهاية دربنـا بابن تكاثر عنده الحراس
نهاية دربنـا لغز رمعتـه لكـن أخطيتـه

نهاية طيب في صفحة وفا واختامها نوماس
بدون قصه تجمعنا بكتاب الصدق سميتـه

صحيح أستـاذنـك صعبه ولكن تتبعه لابأس
خيالك داخل أعماقي رسخ من يوم خطيتـه

وأنا يوم اجرع الفرقى ورضيت أعانق الهوجاس
وخاويت السهر والنـوووم هاجرتـه وجافيتـه

عشانكـ يابعد عمري عشانك يابعد كل هالناس
عشانكـ يابعد حي هالشمـال ويابعد ميتـه

فديتكـ زهرتن فاحت وفا واستنعش النسنـاس
فديتكـ مهرتي شوفة شفا وشلون لو جيتــه

فديت الجمرتين اللي يحرسن لمعة الالمـاس
فديت الوجنتين ولمعــة الديجور مـع ليتـه

فديت الطول مع خصرن تمايل ضامرن مياس
فديت الزول لو بوصف تعبت اوصف ولو فيتـه

فديت الشامه ورمشن طويل وناظرن نعاس
وشعرن ضاعت ايديني بسواده يـوم فليتـه

فديتك كلك وكلي قصيده يتعب القرطاس
فديتك كلك وكلي مشاعر لكـن ازريتـه

أجل وشلون أترجملك مشاعر مالها مقياس
وشاعر جامعن هم الليـالي في تناهيتـه

وأنا لامن عشقت أعشق على وضح النقى نبراس
بدوي لاسمع طاري الخيانه ينتخب صيتـه

ياليتك طيف في بالي تلاشى بحضرة الجلاس
وقلبك ماعرف قلبي ياقلبي آآآآآآآه ياليتـه

زمن قاسي بشر أقسى قلوبن مابها إحساس
زمن حلل قتل طفله وطفلن لاهي في بيتـه

زمن فيه الوفـا كلمه تخطط أبيض الكراس
زمن لو نزل دموعي يسمعني زغاريده

حياتي دامها شادت بجوفي مملكـه لليـأس
أبي تقري نهاية درب على شانكـ تخطيتـه

خلاص استسمحك برحل كما حرن كفخ قرناس
نصيت الدار يوم الدار نادتنـي ولبيتـه

بقالك كلمتينـن تحتهن خط ومابين أقواس
((فمان الحــب يا أصدق وأطهر قلب حبيتـه))

مما راق لى

‏