ليش ما تذاكرو ؟؟ ابا افهم

[memo0]

تراني مرره مقهور منكم ايش الغباء دا
ابا اعرف ليش ما تذاكروو المواد مره سهله >> وتافهه
حتى في الاداري محنا عارفين نحل ماصارت >> كيف لو دخلتو القسم العلمي

ايش هيا المواد >> 1- احصاء >> ترى مبدائ في الاحصاء >> يعني لسا بدايات
2 مهارات التفكير >> بالله عليكم دي ماده تخافو منها
3 مهارات الاتصال >> اسهل منها ماشفت
4 حاسب >> وربي مررره سهله
5 رياضيات >> قد كده ما تعرفو للرياضيات ؟؟
6 ثقافه اسلاميه >> دينكم ياهوو يحتجلو دراسه
7 لغه عربيه >> لا ويقولو صعبه

كأنكم عمركم ما درستو كيف لو كانت عندكم كيمياء ولا احياء ولا فيزياء ولا حتى احصاء >> وكل دا بالإنجلش ايش كنتو حتسوو

يجوني ناس يقولو نحن اخذين F تيب ليش حطيتو نفسكم في دا الموقف
عندكم 30 في الدور الاول 30 في الدور التاني و 40 في النهائي
ماتقدرو تجمعو منها 60 >> ايش الكسل دا

لا ويجو يسبو في الجامعه ويسبو في المصححين >> طيب ليه هما اللي ذاكرو واختبرو وحلو ولا نحن >> المفروض نسب نفسنا اننا ما جبنا درجات

ولا ناس يقولو انهم اخدين DN من كثر غيابهم >> تيب ليه تغيبو ما كفتكم الاجازات
ولا لازم كل يوم في كافي وكل يوم مول >> ولا لازم كل يوم ديت جديد >> كل يوم دشره وفلله وفي النهايه DN
ترى بتكلم من جد ليش الهماله دي كووولها >> خلاص وقت المحاضره لازم نحضر وبعدها نفلها زي ما نبا

لا تقولو اني دافور ولا مره من الاوائل >> تراني واحد منكم وزيكم >> اطلع افلها ومولات ودشره بس احضر محاضراتي وايش النتيجه
درجاتي الحمد لله مرره عاليه في كل المواد >> مستني درجه الانجلش
وانتو >> بتراجعو الدكاتره وتشككو في لجنه التصحيح وتسبو الجامعه و DN و F ودرجات زي الزفت

انا وربي كتبي كووولها في السياره وما اطلعها للبيت الا وقت الاختبارات >> من ايام الثانويه وانا كده يعني مرره ما اذاكر الا وقت الاختبار >> بس المهم اني اذاكر مو اعتمد على صاحبي ولا اقول ربنا يحلها من عنده >> والنعمه بالله بس لكل مجتهد نصييب

يعني بلله ما تنقهرو لما الواحد يسافر دبي ولا تركيا ولا حتى مصر ويفلها في الصيفيه وانتو ايلين كتبكم وعلى الجاعه وترم صيفي يامعلم
ولا ناس تتخصص في التخصصات اللي هيا تباها وفي المجالات اللي تحبها >> وانتم ترم صيفي وبعدها يرموكم في اي قسم

اتمنى منكم انكم تشدو حيلكم في الفصل التاني >> عشان ترفعو معدلاتكم
لو ماككنت احبكم ما كنت قلت الكلام دا كلوو

وربي يوفقكم كوووولكم >> وانا معاكم >> وتنزل درجات الانجليزي على خير

memo0