دعوة للفضفضة ...!

[شخصية مستهدفة]

السلام عليكم ...

مسآء الخيرات و المسرات ....

يومي احباط احباط احباط ....

أبغى أحد يسمعني يا ناس ... و يرد عليّا بالعقل و المنطق ...

أنا متخرجه من الثانوي من 7 سنين تقريباً ..وكانت نسبة الثانوي 87,50 %

درست سنة بالكلية و ما قدرت على أنظمتهم و خرجت ... جلست تقريباً سنة بالبيت وبعدها اتصلت عليّا و حدة من زميلاتي و قالتلي ايش رايك نقدم عالجامعه ؟؟؟

قلتلها كيف نروح قالتلي لا نقدم عالنت ..

قلت طيب انتي عارفه أنا ما عندي نت ... قالت لي ابشري ولا يهمك أنا أقدم لك عالنت...

بعدها بكم يوم كلمتني و قالتلي ترى ما راح يقبلوكي الا انتساب...؟؟

عشان معدلك نازل !!!!

ولا فهمت حركتها إلا بعد ثاني ترم لي في الجامعه قابلت وحدة و قالتلي ليش ما قدمتي انتظام معدلك كان قبلوه وقتها ؟؟؟

فهمت ساعتها عشان هي نسبتها في الستينات ...

راحت قدمت لي معاها انتساب ...

و طبعاً هي بعد فترة لقيت لها وظيفة و تركت الجامعه ...يعني بكل بساطه << انضحك علي !!!!

و أنا جالسه أحارب و أجاهد في الدراسة الحين ...

عميد الجامعه د/ الطيب أرسلت له بهالموضوع بأول سنة لي بالجامعه و شرحت له كل شي ولا جاني أي رد !!!

كلمت العالم و الناس شوفولي ان شاء الله واسطه بما انه كل شي ماشي بالواسطات هالأيام !!!!

برضو ما في فايده !!!!!

عموماً ...

رضيت بالأمر الواقع و صرت أشتغل و أدرس بنفس الوقت ...

3 سنين و أنا معلمة لغة انجليزية .. السنة هذي حبيت أقدم استقالتي و اتفرغ للدراسة بما انه باقي لي ترمين عالتخرج ....

والله العظيم اني أكلت الكتب أكل ...

واجتهدت و سويت كل شي تتخيلوه ...

واختبرت أبلايد و فونولوجي...إلى الآن..

وباقي لي أدب و براكتيكم ..الأسبوع الجاي...

ياناس والله لما اختبرت الأبلايد ورجعت البيت جاني هبوط بالضغط من كثر التعب و المذاكرة...

نزلت نتيجتي فيها f ؟؟؟؟

و أنا واثقه من نجاحي بالمادة ...؟؟؟

أبغى أحكي معاناتي كطالبة انتساب ...

1- امتحانات دورية (( مافي ))

2- واجبات و عليها درجات (( مافي ))

3_ امتحانات تحسينية (( مافي ))

4- ورقة الامتحان في نهاية كل ترم (( 100 )) درجه ..

5- المحاضرات (( 3 أسابيع فقط في كل ترم ))

6- حتى لو طالبنا الجامعه بأبسط الأشياء اللي هي حقنا كطالبات مثلاً ورقة تخفيض لتذكرة السفر ((مافي))

7- لفترة 3 سنين إحدى البوابات في الجامعه كنت لما أجي أبغى أدخل منها يمنعوني موظفات الأمن (( هذي بس لطالبات الانتظام )) !!!!!!!!!


و بعدين ؟؟

هذا الشي يرضي الله سبحانه وتعالى ؟؟؟؟؟؟؟؟؟؟؟؟؟؟

يرضيكم كشعب في بلد الخير و ((((( الأمن و الأمان )))))) !!!!!!


أنا ماني حاسة بأي أمان و أنا شايفه مستقبلي يضيع من بين يديني...

كل ما قلت التخرج قريب أشوفه يبعد عني و يصير مثل السراب و الوهم !!!!!

أنا تعبت نفسياً و ساعات أضعف و أقول أبغى أترك كل شي لكن كل اللي باقي لي للتخرج المفروض 8 مواد ...!!!

أحد يرد عليّا و يبرد النار اللي بقلبي و يقولي ايش أسوي بالضبط ...