ارجو من الجميع المشاركه

[bent mankoosha]

انا برضه مع نودي في الانجليزي
هو حلو زي ما قالت نودي اذا انت تحب الشعر والأدب و التاريخ و الشعر والنثر
المواد الصعبة يمكن ال phonetics اللي بناخده دحين في المستوى الرابع ( ماشيين عالخطة ) المادة معقدة نوعا ما بس إن شاء الله لو شديت حيلك حتمشي
المواد الباقية اللي مرت علينا مرة حلوة وماشي حالها جدا بس اللي ما جربناه ما اعرف والله
ما ادري اذا عندكم انتوا الأولاد قسم ترجمة لأنه احنا بس ادب
واللغة التانية بنبدأ ناخد كورسها في التيرم الخامس والسادس عندنا احنا البنات فرنسي
انتم عندكم كذا خيار على ما اعتقد بجانب الانجليزي طبعا
غير كدا لو كان قسمك بس أدب انجليزي زينا فانت اصلا لازم يكون عندك لغة وممتاز ماشالله انك قلت انه عندك لأنه القسم ما راح تكتسب منه لغة الا قليلة جدا والباقي يعتمد على خلفيتك انت

القسم ممتع اذا انت حابه ومش صعب قد ما انه مضغوط جدا جدا جدا
في الخطة القسم اربع سنين بس الحقيقة انه اربعة ونص لأنهم معجزينك يبغوك اخر تلات اترام تاخد 22 او 21 ساعة بتكون من اصعب المواد

واللي عرفته انك لسة ما اتخصصت يعني بتاخد سنة عامة ودا بيزيد عليك الأربعة سنين لخمسة
لأنه احنا اتخصصنا من اول تيرم والمواد العامة بتتوزع على الأربع سنين
بس بيخف الضغط عليك
الله يوفقك ومعليش لو طولت
سلام