ارجوا التفاعل مع موضوعي ورايكم يهمني ؟؟

[mhalarjani]

السلام عليكم ورحمة الله وبركاته

كيفكم كلكم عساكم بخيرررررررررات..

انا ان شاء الله على ابواب التخرج الترم هذا والمعدل الحمدلله لابأس به تخصص ادارة الموارد البشرية.
من جامعة الملك عبدالعزيز انتساب.

واعمل حاليا بالكهرباء تخصصي فني وخبرتي اكثر من 12 سنه والراتب تقريبا 9 الاف الموهم انا حبيت اسرد القصه اللي فوق عشان تكونوا معي بالصورة.
ابي اقدم على برنامج الملك عبدالله للابتعاث والشركة رافضه السالفه هذي ولا كمان تقول ماراح نحول لك وظيفتك من فني بالثانوية يعني انت دخلت الشركة بالثانوية تقعد بالثانوية وماراح نحطك على سلم الجامعيين. عندنا بالشركة يعني كأنك يابو زيد ماغزيت.....

فاللي راح اقوله اني اذا عزمت على البعثة ودبرت اموري ورحت برا لازم افقد الوظيفه.

فأنا طرحت موضوعي لإستشارتكم أخواني في الموضوع شرايكم ابتعث وارجع بماستر ان شاء الله واتوظف بخبرتي السابقه واكون متوظف على سلم الجامعيين في أي شركة أو امسك مجنونك لا يجيك اجن منه... وصراحة حرام التعب اللي تعبناه وخسرناه وفي الاخير تجي الشركة وتقول لا اوكيه بنضيفه لك في مؤهلاتك بس ما تعتبر عندنا جامعي راح نعتبرك فني ولمن اقول لهم ياناس اقسام الموارد البشريه فاضيه والمسؤلين فيها مؤهلاتهم ابتدائي وظفوني فيها ..يقولون لا.

الحل ياحلوين عسى ربي يوفقكم بالدارين.