د. فتحيه عقاب .... مع التحيه

[soska]

السلام عليكم ورجمة الله وبركاته

بصراحه مصدومه صدمة عمري

عمري مارسبت في ماده وعمري ماحملت ماده

مريت بظروف وكنت ادخل الاختبارات ايام التحضيري بدون مذاكره ولاحظو كان عندنا احصاء وانا فاااااشله في العلمي

ونجحت بمعدل حلو الحمدلله


ودخلنا وانحطيت تاريخ انا مااكنت ابغى بس رضيت والحمدلله كنت شاده حيلي في كل المواد وجاتنا الصدمه في تاريخ العالم الماده صعبه ومالها كتب

والله مالها كتب متخيلين انو ندور الكتب من مكتبه للثانيه وباقي على الاختبار يومين وهيا تشرح تشرح ونقولها تقول طيب انا كلمتهم عشان الكتب اقلها كانت عملت لنا ملخصات او اي شي

ومشينا اول اختبار بدرجات مخسوووووفه ماده تحتاج مذاكره اول بأول ومالها كتاب

وجينا وجات الصدمه الثانيه طلبت كتاب تاني وبرضو مافي ف اي مكتبه وندور ندور

ونقولها وماترد علينا لانو شايفتنا اقل منها او ايش مادري بس تهزيء وتطالع فينا من فوق لفوق

وبرضو هببنا في الاختبار التاني والله جبت الكتاب بالقووووه وكمان لخصتو في اوراق وحفظت حففففففففففففففففففظ وجبت اقل من نص الدرجه

واخر اختبار قالت للبنات محد بينجح ولا كمان ساعه تحذف وساعه تقول مين قال اني حذفت >>شيزوفرينيا بعيد عنكم

انا مااقول غير خفي على الطالبات لاتعقديهم حببيهم في الماده لاتكرهيهم انا لو ماهدوني اهلي كان سحبت ملفي كلو واعتزلت الدراسه لاني الحمدلله بدون مااراجع الماده اقدر انجح فيها >>ماشاء الله بس معاكي الشرح في جهه والكتاب في جهه والاختبار جهه ثااااانيه

الي خلاكي دكتوره قادر يخليني دكتوره زيك الشي الوحيد الي بيخليني اكمل دراستي عشان اسير دكتوره واوريكي البنات ممكن يصيروا دكاترهـ واحسن

؟؟؟؟

ليش ؟؟ لانو في يوم واحنا في محاضره بنت سألتك في شي مو عارفتو طالعتي فيييهااااا بعدين قلتي نكمل المحاضره احرجتي البنت لو وحده غيرها كان راحت واشتكت عليكي

لانو في يوم قلتي اتحداكم تنجحو

لانو في يوم استحقرتينا

ماتدري انو الناس درجات في الذكاء بس مو درجات في الغباء

والحمدلله مارحت عند اي دكتوره الا وكنت مميزه عندها

وان شاء الله كل بنت حملت الماده تنجح فيها وبتفوق كمان ,, وفي بنات غشو في الاختبار يبغو درجة النجاح مساكين من حقهم لو عملو شي زي كدا اصلا خلصت الاختبار خرجت ادور على الاسئله ماعرفت كيف اطلعها !!!!

وفي النهايه شكرا عشان تعبتي نفسك وكنتي تشرحي وشكرا عشان ماظلمتينا في الدرجات دي الحاجتين الي كل البنات الي كانو عندك يقدروها لكي

شي في قلبي وقلب كل بنت حملت الماده خاصا معاكي يا دكتوره