قروب طالبات المستوى الرابع وما فوق ((ادارة وتنظيم الموارد البشريه)) تفضلوا:-

[Ms.Boring]

صباح الخير ياحلوين

ادارة اعمال اخدتها امس مع غاده واعتطنا سلايداتها ترى مره ظريفه ومختصره وحتى الكلمات المهمه ملونتها بالون الاحمر وقالت المزاكره منها وزي ماقالت جاردينيا الاسئلة موحده وكلهم بيشرحو من محاضراتها اساسا
السلايدات تلاقهو بصفحتها على موقع الجامعه والي ماعرف يطلعها قولولي انزلكم هيه
والاختبار حيكون فراغات - خيارات متعددة - رسم توضيحي - ويمكن اختصارات لانو جابتها للبنات في السمستر الي قبل الي فات

واخدنا كمان

مالية شركات مع سحر مهران الاستاذه مره جيده وقالتلنا المزاكره من نفس محاضراتها ومو لازم نشتري الكتاب
واعطتنا اوراق فيها نماذج اسئلة ومع كل فصل بتحل جزء منها معانا
واخدنا معاها الفصل الاول وجزء من الفصل التاني
والي داخل معانا كلو 6 فصول
من 1 الى 5 والفصل العاشر
وزي ماقالو البنات الماده بس جيبي القانون وطبقي ^^ هو بس الفصل الاول الي فيلو شوية هرج وتعاريف

واخدنا تسويق مع جيهان فكهاني قالتلنا المزاكره من الكتاب
شرحها حلو وبتحط امثله فيسهل فهمها

وبس

وبتوفيق للجميع يارب