Let's cheat in a good way..طلبات(الواجبات +بحوث+مساعدة في حل الواجبات)

[wallo]

المشاركة الأصلية كتبت بواسطة حنين الود إيش رأيك تتكلمي عن الأم وتبدأي كلامك بجزء من قصيدة بالإنجليزي طبعا تتكلم عن الأم وتتكلمي إنو الإسلام وصى بالوالدين وزي كدا وفيه برضو قصيدة عندي بالانجليزي عن الأم بس أدورلك هيا لو وافقتي على الموضوع وقولي انو في آيات كثير بتتكلم عن الوالدين وخصوصا الأم وكمان (إتكلمي عن الصحابي إلي أمه نادته قام قالها نعم بصوت عالي عشان يرد عليها بس عشانه حس بالذنب وحس انو درجه صوته كانت أعلى من صوتها قام عشان يكفر عن الذنب أعتق رقبه ) كمان إتكلمي عن مصمم الأزياء(الكسندر ماكوين)<إتأكدي من الإسم أختي تقول أعتقد إسمه كدا الي انتحر قبل فترة بسبب تعلقه بأمه لما إتوفت شنق نفسه في خزانة الملابس واذكري موقفه مع المذيع أو المذيعة ماتذكر لما سألوه إيش أكتر شي تخاف منه في الحياه طالع في الكام أو طالع في أمه وقال انو أفقدك هذا أكثر شي يخوف في الدنيا ..إيش كمان ياربي قولي انو دا الإنسان وهوا مو مؤمن ولا مسلم يسوي كدا ويتعلق بأمه ويكون بآر في أمه كيف الناس الي ربي نزل عليهم القرآن ووصآهم بوالديهم؟ وكمآن عقوق الوالدين من الكبآئر في دينهم ورغم كدا كل مانفتح الجرآيد نلقى قصص عن العقوق؟وخلي البرزنتيشن تبعك هادف ومنوع <(يعني جيبي بيتين من قصيده وجيبي قصة الصحابي وقصة مصمم الأزياء وعلقي على الموضوع بإختصار وأضمن يكون البرزنتيشن تبعك أفضل برزنتيشن .. ولو نقصتي درجة وحده تعالي اضربيني ) كمان فيه معلومات كتيره وسهلة وبسيطه وراقيه وعاطفية كمان وبرضو مس خديجة تعجبــها الموآضيع الهادفة والي لها علاقة بالإسلام ..<<لاتزعلي مني إنو مانزلتلك برزنتيشن جاهز

الله يسعدك ياعسل وربي الفكرره مرره مررره حلوووهـ ومرره حزنت ع اليكساندر انا عرفت انو انتحر بس ماكوونت عااارفه السبب والله مره قطع قلبي

بالله ارسلييلي الشعر اللي بالانجلش عن الام

وثاانكس ياعسل تعبتك معايا ...