ღ طالبات قسم التاريخ ღ

[an A student]

لوليتا .. ان شا الله ترضى لو شافتك مهتمه ولو رضيت لا تنسي تخليها تكتب لك الكلام بورقه وتوقع وان شا الله الشئون حيضفوها لك
كلي امل.. والله اشوف انه مافي ماده تاخدي فيها آي بلس او اي وانتي ماتجتهدي..اعرف فيه مواد يبغى لها مذاكره كتير وبعضها شوي .. انا فاهمه عليكي.. تبغي شي زي الثقافه الاسلاميه مجرد قراءه بفهم ..لكن ما اقدر اقول انه هالشيء ممكن مع المواد الاختياريه لانه لاتنسي معك بنات تخصص .. صحباتي 3 ..2 اخدو آي بلس ووحده آي انا ماكنت اشوفهم الصراحه يتذمرو او شي .. بيني وبينك انا كنت مسجله معهم في (المماليك والايوبين) وحضرت كلاسين بس ماقدرت اهضم الماده لاني حسيتها صعبه مع المعارك والاسماء رغم ان د.ليلى الله يعطيها العافيه شرحها كويس.. المهم سحبت وسجلت في تاريخ العلوم.. اللي للاسف ندمت بعدين وارجع واقول مو من صعوبه الماده بل من الاستاذه وكتاب الماده ممتع ولو مع استاذه اسلوب اسئلتها غير كان حيكون ممتاز..
بس رآيي انك تاخدي سيرة لانه معلوماتها ماهي جديده تماما عليكي فبالتالي اسهل .. وشوفي لك ماده من تخصص ثاني حتى من سبيل التنويع : ) الله يوفقنا جميع ان شا الله
بكره رح آخد من صحباتي ان شا الله معلومات مفصله عن طريقة اسئلة د.ليلى .. آسفه احس اني طولت مرره! تصبحون على خير ^^