ليه الزمن يلبس قناع ويعلم الصدق الخداع ,

[® βutteяfly aηgel«~.]

,.

كم لون وكم طبع بين وجه وْجه ثاني
ما حصدت إلا ثمار كان قلبك يزرعه

ترسم الوجه البريء وتنقش الطيبه معاني
وبالنهايه هو قناع وصار لازم تنزع ـه

وينك انتَ يوم ربان السفينه قال كاني
يوم ماكان إلا ودّك غير طي الأشرعه

تهمل القرب بعناد وتعطي البعد بتفاني
يوم ما ودعت ليلي وخذْت منْه الأمتعه

وآنا يا المسكين أعطي من وفاي ومن حناني
وانتقي ورد العطا والحب ولجلك أجمعه

روح سافر عن مدى قلبي وإحساسي ومكاني
ودْور لقناعك قناع وخل يلاقي مرتعه

ولا تطق باب المحبه واعتبر ولّى زماني
لان قلبي عن شقاك وعن هواك مشمّعه

ولني ما أقدر ألوّن لون وجهي بلون ثاني
وآسف إني ما عرفت ألبس معاك الأقنعه ,.

من ذائقتي ,.,
في حفظ الرحمن ~