تكفون ابيها وهذي بصمة ابهامي‎ . . .

[( أميرك ياخادمي)]

لابارك اللـــه في كــلام يزعلها
.بنت الترف والعز والمركز السامي

مكانتك فالناس مانيـــب جاهلها
ولا نيب ناسيـــــك في قادم اعوامي

يابنت بعض الامــور إنتساهلها
ولا الحقيقة عاشقك حيــــــل ضامي

بعض الاوادم لزوم إنا نجاملها
ولا انت ماغيرك ينـــــال اهتمـامي

ياناس والله لو تشوفوا عمايلها
ان تعشقوها معـــــــي بنت الكرامي

لاقلت محتاج لك قالت ازهلها
حاجتك نقضيها لو تبيها مــن ايامي

مطنوخة الراس دلــــت فعايلها
.صدوقة المبـــدأ رفيقة دربي واحلامي

دلوعتي وياي من حقـــي ادللها
ذوبتها فيني ونامت وانا ماقلت نامي

فيها طبع وانا عجــــزت اعدلها
غيورة جـدا حتـــــــى من انســـامي

قوية الحجة وانا مااقدر اجادلها
بالذات لاعضــت شفايفها وقدامــي

اليا بغت تقهر اكثر فلت جدايلها
حتى وانا معصب اضيع كلامي

مزيونة وعقلها الكامــــل يكملها
واطرافها لاحظنتني زاد الهامي

هي عزوة اخوانها مـــــع قبايلها
لا ثار بارود المعارك ماتضامي

عشقتها بأسبـــاب كثرت جمايلها
تكفون ابيها وهذي بصمة ابهامي
أميرك ياخادمي