بدون خجل ..ايش مواصفات شريك حياتك ؟

[نسووومة]

الحمدلله .. وشهد شاهد من أهله ..

صح كلامك ياهمس ... واللي يثبته أكثر بعض الردود في صفات الزوجة هنا !!

معظمهم لايتعدى مفهومهم عن أشياء معينة فقط .. وأذكر مرة وحدة من الزميلات كانت كاتبة في رسالتها الشخصية صفات الزوجة اللي يبغاها الشاب السعودي "بيضا شعرها طويل عيونها مدري كيف جسمها مدري كيف" كلها لاتتعدى هذه الأشياء وكأنه بيتزوج صوره !! عشان كده اللي يجو يشوفوني بالأفراح ووحدة تجي تقول انتي من بيت مين ووو أطنشهم أو أبتسم وامشي أو أقولها مرتبطة أو أعطيهم الرقم غلط أحيانا .. ليش ؟؟؟ عشان سي السيد قايلها مواصفات معينة ويلا روحي اخطبيلي .. يعني بالله أنا وحدة ماتعرف عني شي من الشكل كده تبغاني ...!!! عشان كده الزواج يسير ماله طعم والراجل طبعه كإنسان ملول يطفش من مرته ويروح يخونها لو ماعندو فلوس .. او يتزوج وحدة تانيه من وراها لو مقتدر ... مع انك تفاجئ ان زوجته الأولانية من أحلى مايكون .. بس ليش سار كده ؟؟؟ عشان ماحبها لذاتها .. عشان هي كإنسان كشخص .. حبها كـ شكل أو كـ جسم ومع كل أسف ..... طبعا الا من رحم الله :)