كيف تحولين قطعة الفين البالي إلى منظر فخم ..؟؟^_^

[ستأتي أيامي]

السلام عليكم ورحمه الله وبركاته ..

كيف الحال والأحوال ..؟؟

ياااااااارب
تكونو بصحة وعافية ..

راح أقولكم على سر من أسراري اليوم ..
سر مهم جدا جدا ..
ألا وهو ..

الشارع ..


الكل يعرف إنو الشارع في شغلات مررررررره فنانة
وتشوفي شغلات ما تعرفي ايش هيا ..
لكن..
ممكن تستفيدي منها في أي حاجة ..>>> عز الله قلبنا حجات..

طيب بلاش قرقرة وخلونا نبدأ في الشغل ..
فلين من الشارع .. يعني لو عندك في البيت ما يصلح لاااااااااااازم من الشارع ..

أرسمي عليه الرسمة اللي تبغيها ..
ويفضل أن تكون رسمة شخاميطية ..
بعدين ..
حددي على الرسمة بالغراء المسدس مزبوووووووووووووووووووووط
يعني عيدي على الرسمة أكثر من مرة .
بعدين شغلي المخ شويا وابتكري ..
بخبخي بالبوية على كيف كيفك ..
أنا استخدمت 3 الوان ..
زهري – فضي – ذهبي ..
الخلفية زهري ..
حوالين الرسمة بالفضي ..
الرسمة بالذهبي ..
نستناها إلين تنشف ..

طبعا البخاخ يآكل الفلين ويعطي شكل جمالي حلو ..
بعدين نحدد شويا بمحدد القزاز بعض أجزاء الرسمة ..
ولا ننسى نبخ حواف الفلين عشان يبان الشغل مرتب ..

وسلامتكم ..

عندي في البيت إطار غير مستخدم لأنو الصورة حقتو وردة مرررره معفنة ..
وأنا اشتريتو عشان البرواز الخشب ..
لصقت الفلين ع البرواز ..
وحطيت ورقة شجر مجففة . من أبو ريالين
..وبس ..
خلصنا ..

وطلع معانا هذا الشكل ..



[COLOR="Red"] لو لاحظتوا الصورة مو متوازنة لكن عدلتها خلاص ..[/COLOR]

[motr]أي سؤال أنا جاهزة [/motr]