كيف أتعامل مع أخواني؟؟

[عـــــالية]

مســـاء الخير..
ان شاءالله الكل بخير وبصحه وعافية..والله يووفق الي جالس يختبر والله يهني الي خلص اختبارات <<<<مثلي وان شاءالله الدرجات عالية وحلوة
انا حابة أستشيركم انا عارفه ممكن مو مره خبرين في هالمجال مثلي بس قلت كل واحد يقول الي يعررفه ومع كثرة آلاراء ممكن نطلع كلنا بنتيجة معقولة وتساعدنا إن شاءالله..
(مره سوري لو كان الموضوع مو في المكان المناسب بس حسيت هذا أنسب شي)
انا عندي اخواني الصغار ولد وبنت وهم صغار العائلة خالد عمره 12 سنه وجود عمرها 10 سنين الله يهديهم ويحفظهم...
امي صارت تتضايق منهم كثيير وتعبت معاهم وصارت تتطنش تصرفاتهم لانه هي موظفة يعني ماعاد لها خلق وانا اشوفها مرره تتعب فاحبيت اساعدها واريحها بحكم انا الحين فاضية خلصت اختبارات وهم بعد خلصو دراسة بيكون اغلب وقتهم عندي فقلت استغل الفرصة اسوي معاهم شي نرتاح كلنا في النهاية..
هم فيهم طولة اللسان مافي احترام للكبير يحترمون امي وابوي واختي الكبيرة وانا لا لإنه دايم العب معاهم وامزح معاهم فصاارو مرره يمونون وانا ماحب هالشيء وصرت أتضايق منهم وازعلهم ومااكلمهم يجون يعتذرون ويتأسفون بس حق يوم واحد ويرجع الوضع زي ماكان وانا حاولت اكلم بهدوء بس اكون صارمه معاهم بس مانفع ويتهاوشون مع بعضهم كثير الواحد مايشيل أغراضه الي وراه لما يخلص منها يعني مثل أغلب اخوانكم واخواتكم فقلت افتح موضوع استفيد منكم وممكن بعد انتم تستفيدون بعد وزي ماانتو عارفين ع وشك سن المراهقة ابغاهم الواحد يعرف كيف يحترم الكبير كيف يكون مؤدب في كلامه يرتب اغراضه بعده...الخ
انا ناوية اغيرهم وان شاءالله اقدر من بعد ردودكم لي لإني ماني عارفه كيف بالظبط اتعامل معاهم..
وأسفه لو طولت عليكم بس من جد تعبت منهم وجزاكم خير مسبقاً ويعطيكم الف عااااااااافية..