المدارس الأهلية, الرزق الجميل

[مطالبة]

الخطوة الأولى للبحث عن وظيفة

احنا اليوم ربوع
وعندنا اسبوع كامل نحاول فيه نقدم على اكبر عدد مدارس
حتى لو مدرسة سمعتي انها موكويسة
ممكن تكون كانت مو كويسة
واتغيرت
ممكن تكوني انتي بذرة التغيير
لاتستهوني بنفسك
الإنسان هو صاحب التغيير
مو المطلوب نروح نقلب وجه التاريخ
رغم اللي غيروا التاريخ بشر برضو زينا
لكن مطلوب نسعى
لأن الله لايضيع اجر من احسن عملا

طيب
اجمعي اكبر قدر من اسماء المدارس
وحددي مين حيوديك واي احياء حتلفيها
جازفي شوي وقدمي في مدارس شوي بعيدة عنك
ماتدري يمكن مايجيك عروض قريبة وتضطري تقبلي البعيد
قدمي وحطي ببالك تقدمي في 30 مدرسة عشان توسعي دائرة اختياراتك
يجيك كم عرض وتختاري منهم
وتكوني اكتسبتي خبرة
ترى مجرد دخولك من باب مدرسة
ومشاهدتك للمدرسة من الداخل
وطريقة تعامل الموضوفات كلها خبرات خزنيها عندك
بس لاتصدري احكام مبدئية
لاتقولي مافيها لوحات بالساحات معناته بخلا مايدفعون رواتب اذن بلاش منهم
بلاش معناته-اذن
مايدريك يمكن مهتمين بالتجديد قبل بداية العام
المهم اجلي احكامك وقدمي( حنتكلم عن التقديم بعد شوي التقديم مو ترمي ورقك وتمشي)

من حي الروضة الى شمال جدة اكبر تجمع للمدارس الأهلية
اذكر قبل خمس سنوات قالت لي مشرفة
ان عدد المدارس الأهلية بجدة وصل 200مدرسة
شوفو في خمس سنوات كم ممكن يكون زادو
واغلبها شمال

مهم اللي يوديك يكون سمح خاطر
لأنه بيوقف ويسأل ويدور وينتظر معاك
مهم توفقي معاه على يوم يناسبكم انتو الإثنين عشان يأدي مهمته جيدا

مهم اذا دخلتو حي
تسألو اصحاب البقالات او اي سعودي
فين اقرب مدرسة اهلية

اتصلوا على الدليل التلفونات هذي اليومين
وخلونا نجمع اكبر ارقام هواتف مدارس اهليه
اطلبي من اي واحد
قولي اديني رقم 3 مدارس اهلية بشمال جدة
حيديك اثنين بصوته
والأخير بالجهاز
لأن المكالمة بريال

على الأقل اذا وصلتي لحي وعارفة مدارسة تقدري تدقي وتطلبي عنوان المدرسة
بس الاتصالات ماحتنفع الا من بعد الساعة 9 صباح يوم السبت


اتكلمت كثير
طيب وصلنا لمدرسة@@
في الرد الجاي حنتكلم عن دخولك من باب المدرسة للتقديم

تحياتي