دبلوم شبكات

[lafander]

السلام عليكم ... ما شاء الله الاخ العمري سباق مثل ما قال لك تمام لكن سمعت كورس النتورك بلس غالي وليش ادفع فيه مبلغ وقدرة وبعدين حاخذ سيسكو اللي تغطي الموضوع شوفي لك دورة نت ورك بقيمة 2000 ريال كحد اقصى لمدة شهر في اي معهد مولازم معهد له اسم مثلا معهد العليا او المستقبل او المواهب في بنات معايا اخذوه من العليا او العالي ؟؟؟! مدري شوفي بنفسك مافهمت كلامك كم مادة !!! هي مادة وحدة موضوع واحد عن الشبكات حتتكلم لك المستوى الاول عن المبادئ والثاني الراوترو غيره والثالث البروتوكولات وغيره والرابع تكملة وفيه سيكيورتي

بالنسبة لدبلوم الشبكات مثل ما قلت لك اخذته على سنتين لقلة عدد البنات وما يحتاج تفرغ انا اخذت المستويات كلها وانا باشتغل والكورس كان 3 ايام في الاسبوع من الساعة 2 - 4 واحيانا نكمل المعمل لحد 5 ... كان فيه واجبات ومعامل تسوينها وترسليها بالايميل ... الموضوع فيه مرونة

بالنسبة لكورس MCITP اللي اقترحة العمري تمام لكن نصيحة بعد ماتاخذين ccna وحاولي انك تاخذين دورات مكملة بعدها حاولي تكوني عام ولا تتخصصي على شركة معينة زي مايكروسوفت او اوراكل انجن اوكي مو مشكلة تاخذينها لكن خذي عام بالأول ... ليش للاسباب التالية
1- شهادات مايكروسوفت خاصة بسيرفرات وقواعد بيانات مايكروسوفت فليش اخذ خاص مدام العام اللي هي سيسكو موجود بكل تفرعاته

2- لنفرض انك حتشتغلي في شركة متوسطة ... فور شور الا اكيد وا بصم بالعشرة بتستخدم اكثر من سيرفر واكثر من قاعدة بيانات ومختلفة وعليها حتعتمدي نظام تشغيل غير windows مثل اللينكس وغيره هذا اذا ما كان الاثنين

3- بصراحة معظم الشركات ضاق خلقها من مايكروسوفت كل 6 شهور منزلة نظام وقاعدة بيانات و شئ جديد ويالله تروج للجديد و التحديث يحتاج ميزانية اذا كل 6 شهور او حتى سنتين !!!! واااااااااااااو لو انا مكان الشركة احسن افتح بنك تسليف بدل البزنس حقي اللي متورط في التجديد ...فتلاقين معظم الشركات وكثير منها بدا ينتقل لنظام لينكس اللي له مميزات غطت على امكانيات مايكروسوفت من انظمة وبرامج ... ولا ننسى ان التجديد ببلاش وتتميز برامجها بالفعالية والثبات احسن من برامج مايكروسوفت اللي كل يوم والثاني علقت او تعرضت لهجوم فايرس ( حاقدة على مايكروسوفت هههههههههههههههه )

سوري توسعت في الموضوع وان شاء الله الفايدة للجميع لكن فكري دائما انك توسعين على نفسك وبعدين براحتك لو عجبك شئ تخصصي وتبحري فيه

نصيحة لو تعملين بحث وتشوفين الدورات وترتبين لك كذا مين اول ومهم ومين ثاني وخليك عام بداية ولا تتخصصي في مجال معين يعني اول ابدا بالشبكات وبعدين مثلا امن الشبكات او صيانة ودعم الشبكات او تصميم وتطويرالشبكات يعني ابحثي واختاري الاحسن و الافضل لك وان شاء الله يكتب لك الله كل خير وبالتوفيق