المسابقة الرمضانية الثانية ( التفاصيل + الشروط )

[Naser]

السلام عليكم ورحمة الله وبركاته

يا اخواني واخواتي
اللي يسأل هل ينفع اشارك معاكم ؟ .. انت أو انتي اللي تحددو الإجابة
تبغى تشارك اهلا وسهلا , ما تبغى برضو اهلا وسهلا

اما اذا كان الاستفسار عشان الشروط
كل الاعضاء ( حتى لو من المريخ وما يعرف السعودية فينها ) يقدر يشارك ( اهم شي ) يشارك بعضوية وحده يعني ما يسجل بأكثر من عضوية .

النقطة الثانية
أي عضو سجل في المنتدى من أول ما إفتتحنا الموقع , حتى نهاية يوم 6- 8- 2010 ميلادي .. يقدر يشارك
على طول بدون ما يسجل أو يأخذ الإذن بالمشاركة
لكن اللي سجل في تاريخ 7-8-2010 او 8-8-2010 وما بعدهم .. للأسف ما يقدر يشارك .


النقطة الثالثة
كثير ناس تسأل فين نحصل الاسئلة ( طيب يا اخوان المسابقة اليوم لسا بدأت .. فطبيعي ما راح تحصلو اسئلة ولا محاضرات ) عموما نزلت المحاضرة الاولى بعد صلاة التراويح , وتحصلونها ( تحت ) هذا الموضوع
في نفس القسم .


النقطة الرابعة
طريقة المشاركة سهله يا اخوان
اسمع المحاضرة > اقرأ الأسئلة > ادخل قسم الإجابات > افتح موضوع جديد > جاوب على الاسئلة
اليوم الثالث ( السؤال الثاني )
اسمح المحاضرة> اقرأ الأسئلة > ادخل على موضوعك في قسم الاجابات> اكتب رد جديد> جاوب على الاسئلة
وهكذا