أفيدوني // بخصوص اختبار تحديد مستوى اللغة الانجليزية ..

[هـمــhamsــس..]

المشاركة الأصلية كتبت بواسطة لولوالصغيره بسم الله الرحمن الرحيم أنا حبيت اسأل سؤال وأتمنى من اللي يعرف يفيدني بمعلومات موثوقة و الله يجزاه الجنه j أنا إن شاء الله هذي السنة تحضيري وحددوا لنا اختبار للغة الانجليزية تحديد مستوى اللي ابغى أعرفه : · هل هذا الاختبار اجباري ؟؟ واذا مو اجباري اييش تنصحووني احضره أو لا . (حسب كلآم اختي اني لو حضرته وحليت مثلا وحددوا لي مستوى معين , يمكن بعدين يعاملوني على اساس هذا المستوى واسئلة صعبة وكذا وتأثر ع المعدل فالأفضل اني مااختبره) . ماادري انتو ايش رأيكم ! · شي ثاني ابغى اتأكد منه .. نقلا عن موضوع في المنتدى (( اما النظام الجديدهوا اذا اختبرت وجبت درجة ترشحك دخولالمستوى الثالث راح تدرس الترم الأول المستوىالثالث + الرابع .. والترم الثاني ماعندك لغة انجليزية يعني تطلع بدري من الجامعةوانواع الفله اما لوماحضرت راح يحطوك في المستوى الاول وبكدا راح يكون تدرس الترم الاول المستوىالاول..... والترم الثاني راح تدرس المستوى الثاني + الثالث .. وفي الصيفي راح تاخدالمستوى الرابع في 6 اسابيع )) · وانا اللي أعرفه ان اللغة الانجليزية كمقرر مطلوب مني مستويين في الجامعة صح ؟؟ وباقي المواد في التخصص أوردي حتكون انقليزي علطول أو لازم اخذ صيفي عشان أخلص المستويات كلها ؟ ( صحيح هالكلام ولا لا ؟) وشكرآ

الاخوان اكيد افادوك كثير ماشاء الله وكلام الاخ Mohammed Hussain بالنسبة للمستوى الاول وان ماله درجات ونصحيته لك في انك تاخذين مستوى على حسب اللغة الانجليزيه عندك افضل من النك تاخذين مستوى اول ماله اي درجه جميل مع اني اول مره اعرف بهالشي

والاختبار ماهو الا تحديد مستوى وكون انك تخلصين كل المستويات هذا شي ممكن يغيرون فيه بس انا وغيري كثير من البنات اخذت الترم الاول المستوى الثاني وكمان في الترم الثاني عدت نفس المستوى على اساس اني ماابغى اتعب وكذا ولمن سألنا عن انه لازم نخلص اكثر من مستوى في سنه يعني اقل شي قالوا لا عادي هذا بالنسبة لنا احنا في فرع الفيصلية ماادري يمكن هالشي يختلف في الشطر او فرع السلامة


واذا انتي مستواك حلو في الانقلش حيكون المستوى الاول تافه بس رد الاخ Mohammed وانه قال ماله درجات اجل ماله داعي فاادخلي الاختبار وان شاء الله ربي ييسره لك

وكمان في حاجة لو انك دخلتي المستوى مثلا الاول ومستواك انتي اعلى من هالمستوى حتقدري تغيريه ونفس الشي لو دخلتي مستوى اعلى وحاسة نفسك تبغي اقل برضه تقدري تغيري

بالتوفيق