real nurses =)

[shine heart]

السلام عليكم ورحمة الله وبركاتة

معاكم من سنه تالته اسراء : )

أول شي أحب أهنئ كل النيرسيز الجدد على التخصص الأكثر من رائع اللي دخلوه

النيرسنق تخصص جدي وبروفشن ما يتحمل اللعب ولا الراحة الزايدة وانتوا طبعا جايين زينا زيكم متلطشييين من التحضيري وعارفين انو الله حق فما اتوقع في احد حيلعب زياده بعد ما دخلت رجلو النيرسنق ,, :P

بالنسبة للشهادة,,

_باكلريوس_ لازم عشان ناخدها نعطي من اعمارنا 5 سنين

واذا الله وفقنا نعطي 5 سنين تانيه عشان الماستر والدكتوراه

ولا جامعتنا ولا بعثات الملك ما تقصر في دا الموضوع,, لمن كنت سنه تانيه راحوا 4 من معيداتنا وبينهم بنات دوبهم ساروا معيدات وما اتهنوا واترسلوا امريكا عشان يجونا دكاترة : )

في أشياء أحب أوضحها للجدد عشان كل علامات الاستفهام اللي عندهم واللي كانت في يوم من الايام عندنا

مع احترامي لكل النيرسيز الاولاد والبنات المتخرجين بدبلومات ولكن في فرق بيننا وبينهم شاسع واسع جدا

نحنا درساتنا تشبه للطب لحد ما وناخد الشي بفهم ومن ثم تطبيق مو تطبيق على طول ولا بدون معرف دا كيف جا ومن فين جا وايش التشخيص وليش التشخيص

نحنا مدربين على فهم كل فتفوته من فين دا وكيف دا ولايش دا فرجاء دا اللبس لازم يتفهم بدري قبل ما تجونا الكلية

ولا تنسوا اذا الله وافقنا حنسير دكاترة في تخصصاتنا وطلبة وطابات الدبلوم لأ

بالنسبة للتخصصات فهيا كتير.. تخصصات عندنا منها الكلاسيكي المعروف

باطنة وجراحة,, طوارئ,, نساء وولادة,, أطفال,, عناية مركزة,, أورام............ الخ

ومنها الجديد زي تمريض النوم.. والالم....................وكتيييير

يعني كل شي تتخيلوه و ما تتخيلوه في دي الحياة نحنا كنيرسيز موجودين موجودين :D

كلنا متشوقين نستقبلكم في أول يوم دراسة ونتمنى بجد محد يحول عشان كلام الناس اللي ما يجيب نص متر قدام ولا يأخر

أنا كنت كدا ما ابغى بس من تاني اسبوع انا وكلاسي سرنا من أشد المدافعين عنوو في كل مكان لانو بجد عرفنا ايش هوا.. بس ما كانت غلطتنا أبدا.. كانت غلطة النيرسيز نفسهم انهم ما كانوا ينشروا ايش يعني كلمة نيرسينق وايش يعني تكوني نيرس زي ما نشروها المديسن

بس مو مشكلة انتوا حتجونا وحننشر كلنا مع بعض الشي اللي نحبو ونباه : )

دكاترة جدا متعاونات وراح تحبوهم وتتحملوهم وقت الدراسةبس معليش كلوو يتحمل بعضووو عشان نتخرج ونسير

Best nurses ever

=) This link about critical nusing

ENJOOOY IT

NURSING is the future” …..by Dr. nabeelah