عزم كنيسة أمريكية معادية للإسلام إحراق مصاحف ’

[soma al7elwa]

تركي :

وجهة نظر جميلة جدا ومقنعة .. احترمها وسأنظر لها بعين الاعتبار ..

تحية لك بمقدار ما انت عليه من رقي ..

High class man ..

أموت واعرف ليش تحب تصيد في الموية العكرة وتتصيد الكلام على هواك ؟؟..

أظن كلامي واضح وضوح الشمس .. وان كان عندك مشكلة في فهمه فلا أظن ان هذه مشكلتي

أول شي أنا مابحاول اسحب الكلام .. أنا بتكلم عن وجهة نظره هو وبوضحها للأخ مجبور ..

وقلت أنا بتكلم عن وجهة نظره هو وجهة نظري أنا .. عندك مشكلة فيها روح ناقشه هو ..

الأيام بيننا .. وكلها سنوات قليلة وحذكرك انت كمان .. وياخبر النهاردة بفلوس ..

لعلمك ترى في البر وفي مناطق زي ابحر مثلا والقرى بنسوق .. في الكباين بنسوق .. وفي ارامكو وكاوست بنسوق ..

بس للمعلومية يعني ...

النقطة التانية .. كنت اقصد انه وجود الكبريهات والمراقص مالهم علاقة بالدين المسيحي او بالانجيل فهو لا يسمح بها حاله حال أي دين آخر سماوي .. بالزبط زي ما منع حصول النساء على رخص للقيادة في معظم مناطق السعودية دون باقي الدول الاسلامية جمعاء ماله أي علاقة بالدين الاسلامي أو بالقرآن .. مافي أي نص صريح يدل على كدا لا فالكتاب ولا فالسنة ..
وكل الاراء اللي ترى بتحريم القيادة في اقصاها اجتهادات قابلة للأخد او الترك .. وكلها قابلة لتتغير بتغير الزمان او المكان ..

انت شايف انه حرام هدا رأيك وهدا توجهك .. لكن انك تلصقه بكل الاسلام فمعليش .. اعذرني في دي النقطة..
ديني الاسلام أوسع بكتير من كدا

وعلى فكرة .. ترى كلامي كان وااااضح جدا .. بدليل انو كل اللي ناقشوني في وجهة نظري محد استفسر مني على دي النقطة ..

فرجاء كف عن تأويل الكلام كما تشاء ..

3- هل انت بتتابع مسلسلات أو افلام امريكية ؟؟؟ هل قد سافرت خارج حدود الدول العربية او السعودية حتى؟؟

قد اتكلمت مع شخص ماهو مسلم بطريقة انسانية؟؟؟؟ أم انهم مجرد حيوانات في نظرك لا تستحق المعاملة الانسانية ؟

قد سمعت كيف افكاره عن الاسلام وكيف وصلتله دي الافكار؟

قد شفت كيف الاعلام الامريكي يظهر الاسلام والعرب ؟؟؟

هل عندك ادنى اطلاع على الاعلام الامريكي؟

ياعزيزي عشان تفهم الآخر لازم تحط نفسك مكانه وتنظر بنظرته وتشوف بمنظاره وتعرف ايش الواقع اللي عاش فيه..

كلام المنابر اللي من فوق دا مابيغير شعرة من الواقع ..

برأيك لو قتل القس جونز على يد شخص مسلم -زي ما كان يتمنى الأخ مجبور- راح ينتصر الاسلام والمسلمين؟؟؟

أول شي لو صار واتقتل القس جونز راح يصير رمز وبطل كونه صار
"شهيد لقضيته" .. تاني شي والأهم انه راح تتأكد الصورة انو الاسلام دين يدعو الى القتل والوحشية .. وانه كونه دين سلام هي مجرد كذبة..

يعني منجد كل مالنا بنرجع لورا بسبب الطريقة الغبية العنيفة اللي بنفكر فيها .. في الوقت اللي اليهود كانوا ومازالوا يمسكون زمام الأمور في العالم بسبب ذكائهم ودهائهم وحسن التصرف في خططهم ..

تحية لك بمقدار ما بلهجة نقاشك من احترام لي ..

ونقطة انتهى ..