help Mee << اهل الخبررة + بناات الششرفية < السكن

[تووتـــــــــة]

السسلام عليكم ورحمة الله وبركاته
كل عام وانتو بخيير

بصراحه عندي 3 استفسارات ياريت تفيدوني..
استفسار رقم 1 :
ياجماعه انا الحمدلله انقبلت انتظام في الشرفية وانا مو من سكان جده وقدمت على سكن الشرفية
ولما رحت اقدم اعطتني الموظفه ورقه مكتوب فيها العنوان + الأوراق الي اجيبها
وقالتلي تعالي يوم 8 ودحين يوم 8 يوافق يوم الجمعه حيكونوا مداومين ولا اروحلهم يوم السبت؟؟
لأنه ماابغا اضرب مشوار ع الفاضي ويطلع مافي دوام..

استفسار رقم 2 :
بالنسبة لإختبار تحديد المستوى .. انا لغتي يعني يجي منها مو مره مره فووق ولا مره تحت
وبصراحه طموحي طب او اي شي في المجالات الصحية غير كدا مره ما انفع وسمعت انه
لو طلعت في المستوى الاول انسى شي اسمه طب وماراح يدخل في المعدل
حتى لو جب فل مارك
ومره خايفه بصراحه لأني في الاختبار مع التوتر ممكن اجيب اعياد المسلمين والكفار وربي
بس ابغاكم تفهموني من جد يعني لو كنت المستوى الاول مافي طب خلاص ؟؟
طيب لو لاسمح الله طلعت المستوى الاول واخدته هوه والباقين ومارسبت في ولا مستوى فيهم
وما اخدت صيفي في مجال الحق الطب ولا لا ؟
بلييييييي يييييز طمنوني

اخر استفسااار معليش تعبتكم وطفشتكم وكل حاقه :
بالنسبة لأول يوم في الجامعه انا ماعندي احد اكبر مني وعيلتنا كلهم لسه صغار ماوصلوا للمرحله الجامعيه واختكم في الله ماتعرف ولا اي شي عن الجامعه مررررره حايسه جدا جدا
يعني انا اول مخلوقه في العيله تدخل جامعه وماعرف ايش لازم اجيب وايش اخد وكدا معليييش والله مكسوفه من دا السؤال احسو غبي بس يعني كيف حتكون الشنطه يعني احنا حناخد كتبنا زي المدرسه ولا كييف ؟
وغير كدا في المحاضرة ايش راح احتاج ايش اجيب معايا في الشنطه بالمختصر يعني ؟
وبلييز يعني لو ماعليكم كلافه الي اشترت شنطتها لو تسمح يعني تصورها بس عشان اعرف كيف نوعية الشنط حقت الجامعه ..
سوووووري والله طولت مره عليكم معليش اعتبروني زي اختكم الصغيره