تجمع طلاب فرع شمال جدة (استفسارات + نقاشات + تعارف )

[woody]

السلام عليكم ورحمة الله وبركاته
شوكرن+ ثانكس +ميرسي على الموضوع بصراحة احسن لكل طلاب شمال جدة يعني تكون مواضيعنا هنا احسن <<< طيب وبعدين؟
المهم ما اطول عليكم بس هو استفسار بسيط عن المواصلات اللي بتوفرها الجامعة من المقر الرئيسي متى و وين والساعة كم ومتى ترجع وين موقعها بالضبط عشان ما اضيع <<<ليه بزر
وكمان أنا اخوي بالجنوب يعني لازم اروح معاه بدري الله يعين بس وبعرف متى ترجع الباصات ومتى تروح
وبالنسبة لبكرة كيف بتروحون ولا لا؟ وحددو نقطة نتقابل فيها <<< من متى المعرفة
أنا رحت الجامعة تخيلو طلعت من مكة الساعة 2 الظهر <<< بالقوة لقيت سيارة
المهم بعد ما وصلت جدة ومسكت خط المطار وسيدا سيدا سيدا لما جاني كبري ومكتوب عسفان واكبس فرامل واروح على طريق الكبري<<< بغيت اروح فيها
المهم وبعد ما طلعت الكبري رحت يسار وسيدا سيدا لما لقيت تفتيش وانزل الزجاج وأقول السلام عليكم
قالي رخصة واستمارة قلت خذ الإستمارة بس ما عندي رخصة <<<< استاهل ما حد قلي سلم
قلت وين الجامعة اللي يقولون عليها فرع شمال جدة قالي طول قلت شوكرن
المهم واطول واشوف صناديق يبنون فيها ما توقعت الجامعة واطول وأوصل عسفان واسأل قالولي ارجع على جدة وبتلقاها
وارجع واضيع في الطريق واطلع على الكامل ومع الأغنية ما حسيت بنفسي ما انتبه إلا لوحة مكتوب فيها المدينة المنورة مدري كم كيلو المهم ارجع ومنا ومنا واسال وارجع للتفتيش إلا قالي العسكري فيه خرابه يبنونها هناك هي الجامعة والله وأرجع لما وصلت قلت يمكن هذي هي لالالا ما أظن <<< أنا على بالي جامعة زي اللي بالجنوب
والله والبق وانزل <<< بغيت اندعس بس ربنا ستر
المهم اسأل حارس الأمن قالي ايوا وصلت قلت مو حرام عليك شايفني رايح جاي وما تأشرلي على الجامعه ليه يالطيب ما تحطون لوحه <<< طالع فيني بنظرة يعني اسكت
علطول قلت متى تجهز << وأنا مبتسم
المهم قالي يوم 16 قلت ما أظن الحارس ساكت >>أخلاقو زفت من الجو اللي هناك والغبار
المهم رجعت وهموم العالم فيني لأن من جد مشوار وندمت إني اخترت شمال جدة <<< خلصت على المغرب
والله يعين الجميع على المشوار

وسوري على الإطالة بس من جد مشوار