ايش يعني لك التخصص ..

[ميتوكندريا]

السلام عليكم ورحمة الله وبركاته
اليوم اختي في الثانوي تقولي كل البنات دخلوا علمي ماعدا عدد بسيط جدا فقالوا حيعملوا لهم اختيار عشان يقسموهم من جديد .. سؤال يطرح نفسه .. ليش الناس ماخذة دي الفكرة وهل الادبي موعلم واللي يجيب نسبة ليش لازم وواجب يدخل علمي

نفس الشي نشوفه في الجامعة مع انو في الجامعة الواحد يكون اكثرنضجا وتفكيره اكبرفأكيد حيختار حسب ميوله واحتياجاته لكن للأسفيختاروا التخصص حسب السمعة وايش حيكون اسمه بعد التخرج في وحدة أعرفها كانت تسأل ايش حيكون اسمها لو دخلت تخصص وعلى اساسه حتختار!!!
هل التخصص برستيج ولقب ولاّ علم تقدر تبدع فيه وتكون شخص منتج لمجتمعك ؟؟
وهل الكليات اللي تتطلب نسب عالية هي الافضل ؟؟ اكيد لا لأنو كلها علم وكل تخصص له احتياجه وأهميته .

وطبعا ماننسى للجامعة دور مهم في هذا الشي خاصة في اسماء الكليات والمناهج يعني مثلا كلية الاقتصاد المنزلي عند البنات من الاسم تعطي انطباع انها نفخ وشغل بيت وبالعكس فيها تخصص دراسات طفولة اللي تعتبر في الدول المتقدمة من اهم المجالات ومايدخلها إلا الأكفاء ..
كمان التصميم الداخلي في نفس الكلية وهذه مشكلة تواجه المتخرجات منها الشهادة تكون باسم كلية اقتصاد منزلي مو هندسة ديكوروهذا قرأته في مقال مش من عندي وغيرها من الامثلة كثير..
فنتمنى من الجامعة تتعاون معانا وتزيد التوعية بكافة المجالات..

وزي مانحتاج للمهندس والدكتور نحتاج للمعلم الكفؤ والمربية والاديب والمزارع والمفكر والمؤرخ والمعماري وحتى عامل النظافة لإعادة نهضة أمة موكفاية الغرب متقدمين في كل كل المجالات ..

وانتو ايش رايكم وآسفة إذا طولت عليكم وكان نفسي اتكلم عن كلية التربية لكن اترك لكم الحديث