عندنا عروس جديده

[طالبة محاسبة]

ياقلبي الف الف مبروك وربي يوفقك معاه ان شاء الله
شوفي الفستان ادخلي على مواقع المصممين زياد نكد وايليا صعب ونزلي اللي يعجبك وروحي الطاووس اللي بالمساعديه وعملك نفسه يمكن يكلفك 13 او 14 مدري على حسب فستانك او يمكن اقل اختي عملت عنده والله الكل عجبه فستانها وكمان زميلتي كملت اليوم شهر على زواجها وعملت عنده ونزلتله فستان من زياد نكد مرة حلو ولو تبغي في فستان اتصلت على مصمم بلبنان وارسله لي عالايميل بحاول انزله لك وانتي اعملي نفسه
والمسكه حنزلك صور مرة حلوة وفي افكار للكيكه ومكياجك في مركز منا سنتر مرة خطييير اختي عملت عنده بصراحه روووعه من جد طلعها ملكه جمال عند وحده نسيت اسمها بس اختصاصها عرايس اذا تبغي اسئلك اختي عن اسمها وروحي شوفي كيف عندهم المكياج والتسريحات واهم شي تكون التسريحه استشوار ماتعملي فلو يعني لما توصلي بيتك وتفتحي التسريحه يصير شعرك استشوار وحلو لما تخلي المكياج لاتشيليه على طول يعني انتي عارفه شكلك اكيد حيتغير قدامه من مكياج عروسه لولا شي وقبل ماتنامي شيلي الماكياج
واهم شي خليك هاديه من جد انتبهي خليك هاديه وخجوله قدامه حتى لو تتصنعيها هههه وحتى لو كنتي متعودة عليه
وبالتصوير مو اي حركه تقولك هي المصورة تقولي طيب قولي لا استحي وكذا وبعدين هي حتلزم عليك تسويها
ولاترقصي سلو وكذا من جد مالها داعي لارحتي بيتك ياقلبي وصرتوا لوحدكم اعملي الي تبغيه
هذا اللي عندي اذا افتكرت شي بقولك عليه
انا يمكن خطوبتي قريب اللي علموني هو اخواتي جالسه اعلمك هو ههههه