أحلى تجمع ..تجمع مستجدات بيوكمستري .~~فيدي واستفيدي~~..

[Aziza Yahya]

المشاركة الأصلية كتبت بواسطة $chocolate$ بس عندي كم سؤال واتمنى من اللي عندهم خبرهـ مايبخلو علينا طبعن انا نزلتلي الخطه بالمواد الاتيه: أمن وسلامة مختبرات كيمياء عامة (2) معمل أحياء عامة كيمياء حيوية عامة أحياء عامة (2) معمل كيمياء عامة اللغة العربية (1) واللي ابا استفسر عنو انو اقدر اخد دي المواد كولها فهدا السمستر ولا راح يكون ضغط عليا ؟؟ أحسن شي احذفي كيمياء عامه 2 ..خليها لبعدين ..بقوه ضغط . ونا ابا دوامي اليومي يخلص بدري .. وابا احاول بقدر الامكان احوطلي يوم اوف >>اعمل فيها حركات كبار ؟؟ من يوم مادخلت الجامعه ماعمري اخذت يوم أوف ..بس سبحان الله دا السمستر عندي الاربعاء اوف كدا صدفه بدون ما ادري ..يعني لا تجري وراه خاصة في البداية عشان في الاخير ترتاحي شويه ^^ واش المواد السهله .. واش المواد الصعبه .. واش المواد اللي نص ونص ؟؟ بالنسبة لجدولك أمن وسلامه أنا برضو زيك دوبني نزلتها دا الترم . معمل احياء عامه يعتبر نوعاً ما سهل لو ذاكرتيه اول بأول واهم شي المعامل تحضريها وماتغيبي . كيمياء حيويه عامه سهله برضو وهيهالأساس في الكيمياء الحيوي يعني ركزي فيها برضو معملها ممتع وحلو لأنو متنوع . أحياء عامه 2 ..أنا اخذتها مع دكتوره عواطف مره انسانه رائعه دخلت الماده فـ مخي ..وهيه الماده حلوه ويبغالها شدة حيل برضو ..معملها حلوو صح طويل ورسم وهيك بس ممتع واحلى شي لما تكشفو عن فصائل دمكم يجنن عربي 1 ..كلو فعل وفاعل ومفعول به وربي شي سهل ..يعني لو كنتي شاطره ف القواعد ايام الابتدائي والمتوسط حتشوفيه موووويه ..وبرضو لو مو شاطره الكتاب يوضح ويشرح كل شي ..بس ذاكري وان شاء الله الـ a+ والمواد اللي باربع ساعات حتكون مقسمه مابين نظري وعملي ولاكيف زي المعامل ؟؟ ايوا يعني تدرسي الماده 3 مرات في الاسبوع ..والمعمل يكون مره وحده المعمل عليه 25 درجه ..والماده يكون عليها 75درجه وبعدين يجمعوها مع بعض . وادا ابا اختار من بين دي المواد اش اختار يعني من فيهم راح تكون متطلب لمواد تانيا ولازم اخدها من دحين ؟؟ حاليا كيمياء حيوي اهم شي .. ..

_____

المشاركة الأصلية كتبت بواسطة sarona sweet سؤالي هوا أنا خدفت كيمياء عامه ونزلت المعمل تبعها ينفع كده ولا لا؟؟؟ اصلا ما ينزلك ماده بدون معملها ..^^انتِ تقصدي معمل كيمياء 281.؟ هوه يعتبر ماده لوحدو وسهل وممتع وتطلع فيه الوان حلو في التجارب طيب لو كنت أبغى احول لكلية <صحية> هل لازم ادرس كل مواد السمستر؟؟؟ لا مو شرط تدرسي كل مواد السمستر

المشاركة الأصلية كتبت بواسطة rozeta وهاااااذي موادي : كيمياء حيوي وعضويه واحياء202 ومعمل كيمياء والاجمــــــــالي 13 ساعه احسو قليل في نفس الوقت ثقيل ع المعده خخخ<<جيعانه 13 بقوه قليل ..اضيفي ثقافة او عربي حاولي فيهم يوسعو لك شعب او اضيفي امن وسلامه هيا بـ ساعه بس 14 ولا 13 موادك حلوه ...اللي ممكن تكرفي فيه العضوي انا دحين نزلتو بس الكل يقول يبغالو شدة حيل ^^

____

المشاركة الأصلية كتبت بواسطة rnooma بالنسبة للجدول كتييييير ايش عدد الساعات المناسبة والله عندي عقدة مزلتلي 17 ساعه وخوفوني قالولي كتيييير :( ايش اسوي يابيو كمستريات 17 ساعه كويس وعادي مو مره مخيف وكمان على حسب المواد انتِ ايش منزله ..؟

_____

ربنا يوفقكم حبايب حبيت اساعد ولو بشي بسيط