يااعاالم الحقووني تقفل الحذف والاضافه

[فيصل]

المشاركة الأصلية كتبت بواسطة بكاكا يعطيك العافيه اخوي فيصل.. الجدول الحين مافيه ولا ماااده<< كلها حذفتهاا بالنسبه للموااد الحره << الاقناع يمديني اخذها ماده غير حره..؟ هل الشؤون التعليميه في نفس مبنى كلية الاداب..؟<< يعني اروح اضيف من كلية الاداب عادي لو اضفت مثلا 6 او 5مواد << يعني ادرسها هذا القسم<< تنصحني..؟ لو حطيت هذي المواد : المدخل إلى وسائل الإعلام , الخبر في وسائل الإعلام , الثقافه الإسلامية , اللغه العربية , الاعلام السعودي, ... مدري ايش احط كمان مااده<<تنصحني بالمواد اللي بحطها انتظر ردك اخوي فيصل <<تعبتك معي ^_^

ههههههههههههههههههههههههه
أما حذفتها كلها ؟
طيب أسمع , باين أنك مره حايس وملخبط ووضعك ماش ...
أقولك نصيحة من أخو لأخوه , أنا دخلت الإعلام ولاني عارف فيه شي , وأصلا الإعلام مو طموحي ولا كنت أبي هذا التخصص , لكن قدر الله وتخصصت فيه ..
لكن ولله الحمد راضي , ما وجدت مادة صعبة في هذا القسم أبدا , كلها مواد سهلة ومنطقيه وتدخل في العقل ..
يا أخي أنا كنت أضيف المواد إلى أن وصلت 18 ساعة ( أكثر شي ) في الأسبوع والله ما كنت أدري أنا وش أضفت ولا كنت أعرف ولا دكتور , لكن ولله الحمد عديت في المواد هذي اللي أضفتها بدرجات عالية , تعرف ليش ؟ لأن المواد أصلا سهلة , أحتار لما أقولك وش هي أسهل مواد في قسم الإعلام لأن كلها سهلة , بس يحتاج لها ( كما يحتاج لغيرها ) القليل من المذاكرة أيام الإختبارات فقط

بالنسبة لأسئلتك ...
الإقناع مادة أساسية في الإعلام , يعني وجوبا عليك تاخذها زي أي مادة عامة في القسم , ومن حسن الحظ هي سهلة جدا ما يبغالها حتى تفكير .
الشئون التعليمية في الدور الأرضي في كلية الأداب , أول ما تدخل مع البوابة الرئيسية للكلية تجدها على يمينك ..
هناك يضيفون لك المواد ويحذفون , على أسمها الشئون التعليميه , إذا أنت محتاج شي روح لهم يفيدونك بإذن الله .

أما بالنسبة للمواد , أخوي أنا أشوف إذا كان معدلك 3.50 وما فوق خفف على نفسك يعني 14 ساعة تماام
3
3
3
3
2
لكل رقم , مادة , على مدار الأسبوع ..
أما اذا أقل , أشوف أنك تملي الجدول بس لازم يكون معها شدة حيل , لأنك إذا مليت الجدول بعدد الساعات راح يكون له أثر في المعدل بحيث ينزل إلى 2 أو يرفعه إلى 4 ( إذا أفترضنا أن معدلك 3.50 )

المدخل إلى وسائل الإعلام , الخبر في وسائل الإعلام , الثقافه الإسلامية , اللغه العربية , الاعلام السعودي , العلوم السياسية ( أو ) علم النفس الإجتماعي ( غير الدكتور خالد ****** )
هذي المواد اللي أشوف أنك تضيفها ...

ومن الحين , أدخل على قائمة الشعب الدراسية في الأوديس
وأختار من بين الخيارات التالي
com
2010
الفصل الدراسي الأول
تجد رمز المادة وجنبها رقم المادة وجنبها رمز الشعبة بعدين أسم الدكتور ثم المبنى ثم القاعة ثم ( وهو المهم ) الأيام
.S السبت
S. الأحد
M الأثنين
T الثلاثاء
W الأربعاء

شوف اللي يناسبك ورتبها مع الجدول

بالتوفيق أخوي , وأي سؤال أنا حاضر ..