ياشباب الله يخليكم .. وربي راح ادعيلكم من كل قلبي .. تكفووون

[خآآلد]

السلام عليكم ..



مابغى اطيل عليكم .. عشان مابغاكم تملووون مني .. انا باليالله يالله لقيتكم





هالحين ياشباب والله اني حايس حوسه عند الله خبرها



صرت اقول متتتتى ايام الثانويه ترجع .. والله لاصير دافور واصم الكتاب صم .. !



بس ياحسافه ..


طيب ندخل بالسوبجكت على طول < متأثر من المصاريه




هالحين ياشباب ... الانقليزي حلينا عقدته .. واخذنا كتاب اسمه ( headway )


وطلع تمام ويشرح منه ويسأل منه ودروسنا كلها عليه ..



الاحياء .. قلنا خذوا كتاب اسمه Bio 110



طبعا يقولك يجي مع الكتاب رابط للنت ويعطيك باسوورد ويوزرنيم ..


وتحمل التست بانك من هناك ... وكمان تحمل الشرائح اللي هو يشرح منها الاستاذ .. !



وانا صراحه بشتري هالكتاب عشان هالحاجتين .. ماتصير للكتاب فايده .. !


والشرايح ماشاءالله مترجمه عربي وانقليزي كلها .. وكويسه .. ويقول لنا الاختبار مايتعدى اسئله التست بانك



فـ تنصحوني اشتري كتاااب كامل .. عشان تست بانك والشرائح هذي .. ؟


لأني مو بحاجه الكتاب


ولا اقدر القاها هنا واحملها بدون ماشتري الكتاب ؟؟ ( ياليت تعطوني رابط الموضوع )




اوكي خلصنا من الاحياء ...


نجي للأحصاء ..



قلنا على كتاب مدري وش اسمه ... واحسه مو مهتم من ناحيه الكتاب ..


بدايه اسم الكتاب STAT المؤلف بلومار اعتقد .. الاصدار السابع




والصراحه المصري ماتحسونه مهتم بالكتاب ... قاعد يقولنا انا اختباراتي تجي من الواجبات اللي اعطيكم اياها .. ولا راح تتعداها !



واعطانا رابط قال هذا فيه اخبار الماده كلها ..


وراح اعطانا 4 ارقام او 5 ارقام .. قال هذي ارقام اسئله تحصلوها بنهايه الشابتر


حلوها بالبيت ... وادخلوا عالموقع وخذوا الاسئله .. والـ ( homework ) راح ينزل خلال الاسبوع ذا .. !



انا صراحه فغرت ومافهمته .. وش قصده ناخذ الاسئله من هالموقع ونحلها .. والهومورك راح ينزل خلال اسبوع .. !


وش يقصد بـ هومورك ؟

يعني قصده الاجابات عليها ولا الاسئله نفسها بس ؟




ويقول بنهايه الكتاب تحصلون اجابات الاسئله ومدري وش قاعد يهذر ..


اللي فاهم ومتعلم ومجرب ياليت يعلمني من ناحيه الاحصاء ...





نجي للكيمياء ...


انا صراحه لاجيت اسال مدري وشهو الكتاب


ما اقوله دكتور وشهو الكتاب ؟


اقوله : دكتور من وين اذاكر للأختبارات ؟


عشان اخذ منه الزبده مره وحده ..



الاستاذ اقصد الدكتور اعطانا اسم كتابين


كتاب لقاه مع الطلاب وقال هذا هو .. كبير ودب كذا مادري وش اسمه صراحه .. !


ولقينا كتاب معاه صغير قال برضوا هذا ينفع .. وهذاك ينفع .. بناخذ شوي من هنا وشوي من هنا .. !




انا مادري اخذ الكتابين ولا اطنش واحد واخذ واحد ... ويقولون فيه كتاب بالعربي ..


مدري هو يقصد الكتاب الكبير .. ولا كتاب ثاني .. يقول هذاك مترجم عربي .. !



قلنا طيب من وين نذاكر ... قال اهم شي تفهموا معاي وش اللي انا اكتبه عالسبوره .. !




المهم :



اللي يقرأ احسه ماتعدا هالثلاث :


1- مل من الموضوع .. وقرا اول سطرين وسحب عالموضوع كله ويرد علي ( الله يعينك )


2- يشوف الموضوع متكدس يدق سلام ويطلع

3- يقراه كامل وينصحني وش اسوي بالحوسه




وكلهم الثلاث الله يعطيكم العافيه وماقصرتوا ... !




واللي عنده نصيحه ... قده مجربها وتعدى السنه التحضيريه .. يوجهني .. !



واللي بيقولي طريقه احسن .. مثلا احمل من النت .. ولا اصور الكتاب .. ومجربها ياليت يقولي ..



واللي مجرب طريقه ماهي في بالي اصلا ... برضو ياليت يقولي .. !




شباب راح ادعي بظهر غيب للي يرد علي .. لأني حاليا مالي عون غير الله الا انتم .. !



انتظركم .. وهالله هالله بالنصايح اللي تبيض الوجه


واعذورني على الهذره الزايده ..



تشـآآو