بنات التأهيلي ... زغرطوووووووووووووووووووووووووا .. بس نص زغروطة

[Confused]

بسم الله الرحمن الرحيم
السلام عليكم ورحمة الله و بركاتة
اخواتي حبيباتي ...
اولا ..

لولولولولولولولولولولولولولولولولولولولييييييييي

بس نص زغروطه علشان ما تتحطموا

ثانياً ...
العسولات Shahoda و ocean heart
إلي اتحطموا كثيييييييييييييير و انتظروا كثييييييييييييييييييير

زي ما وعدتكم اني رح افصلكم كل شي صار معي على موضوع
التأهيلي ..
انا لسه من شويتين قفلت السماعة من الجامعة ..
و الله انكسر ظهري و انا استنى جنب التلفون احد يرد
و يحن عليا ..
من الساعة 10 و نص و انا ادق عليهم تلفونات ..
هادي المرة حنوا عليا و كثيرين ردوا الله يعطيهم العافية ..
المرة الاولى رد علي واحد طلبت منه يحولني لمكتب الاستاذه
فوزية الميخي رئيسة وحدة الشئون التعليمية للبرامج
مدفوعة التكاليف <<< هذا احنا
المهم حولني و استنيت و استنيت و استنيت ...
و مع الاسف محد رد ..
و اتصلت تاني و كلمت البني ادم شخصياً <<< يالقوييية
سألته عن التأهيلي و امكانية تخصصهم بالطب و الصيدلة بس هو شكله كان ضايع
الله يساعده .. و اعطاني شوية تحويلات لمكتب الدكتورة نجاح عميدة
شطر الطالبات و الاستاذة ابتسام رئيسة وحدة القبول
و الاستاذة فوزية <<< تبين اهمية البحث
و مع حظي السعيد ولاااا مكتب ما رد ..
يلا ما علينا ... اتصلت على رقم اعطاني هو إلي بالاستعلامات و اتصلت أليييين
ما انفقعت مرارتي
بالنهاية ردت علي وحدة و طلبتها تحولني على الاستاذة فوزية
و حولتني جزاها الله ألف خير .. حسيت انه كالعادة محد رح يرد
لكن دي المرة ردوا و انا من الفرح ما عرفت اتكلم ..
صرت اخربط ألين بالنهاية قلت ألوووو ..
ردت علي وحد صوتها خفييييييييييييف و صغيييير ..
و بكل فخر قلت .. مكتب الاستاذة فوزية ؟؟
ردت بكل برووود .. لا
استغربت و سكت شويتين .. و بعدين قلتلها ممكن تحوليني ع المكتب ؟؟
و قالت بكل تردد ..

7
7
7
7

انا متصلة زيك !!!!!!!

بس و الله فقعت ضحك هههههههههههههههههههههه ..
قلتلها خلاص حبيبتي انا رح ادق بعدين و قفلت ... هههههههههههه
و الله فلة مع اني انتظرت فترة طويلة ..

المهــــــــــــــــــــ ــــــــــــــــــــم

شوقتكم ولا لسه ؟؟ <<< يبغالها فرررررش

LonG StorY ShOoOoOoRt
بعد مليون اتصال ردت على الموظفة و قلتلها الله يسعدك انا من كم يوم
و انا احاول اوصل مكاتب العميدات ..
و انا بس ابغى اسال سؤال <<< لله يا محسنيين
قالتلي اتفضلي ..
و قلتلها انا سنة تأهيلية لو جبت معدل عالي هل اقدر اتخصص طب و صيدلية
و اي شي او انه التأهيلي مقتصر على العلوم ؟؟
قالتلي ثواني ..
و رجعت قالتلي ايــــــــوا بإذن الله تتخصصي إلي تبغيه

و علشان اتأكد سألتها تاني ...
انتي متأكده يا اختي لاني سمعت كثيرين يقولوا انه عميدة تأكد و التانية تنفي ..
انتي من وين سألتي ؟؟
قالتلي من وحدة القبول .. يعني من مكتب الاستاذة ابتساااام

بالمختصر المفيد .. الخلاصة .. الزبدة .. المربى <<< اعذروا الجوع و الصيااام

يا تأهيلي يا حلويييييييييييييين ..
في امكانية التخصص في اي مجاااال شرط المعدل العالي ..

بس لا ترفعوا امالكم مررررة كثير .. لاني لسه ما تأكدت من عميدة او
من منصب عالي ..

يلاااااا يا عسولااااات حبيت اطمنكم و ادعوا كمان يكون الكلام مية مية صح

و بالختاااااام ..
فروته و صمود الاقصــــــــى الحلوات ..
بلااااش تهزيييء و تقولوا قلنااااالك
و الله انا مثكينـــــــــــــــــة <<< سكينة و انتي الصادقة


مع تحيات المكسحة الي ما نامت من امس لعيونكم الحلوة ..
Confused