خبر هام وأكيد ومن تجربة : (شهادة الانتساب معتمدة في التعليم العالي ) ..

[ام دنيا]

المشاركة الأصلية كتبت بواسطة ::harmony:: اول شي مبرررررررروك وربي يوفقك ان شاء الله ثاني شي مررررررررررررره شكرا على رفع المعنويات كلامك من جد يحممممممس منجد الله يسسسسسسسسسسسسعدك يارب ثالث شي ممكن اطلب طلب اذا مافيها ازعاج !! تقوليلي خطواتك وايش سويتي وماسويتي في التقديم والشروط ؟؟

الله يبارك فيكي
ومشكوووره على الدعوات الحلوه
وطبعا اسألي ومافيها اي ازعاج
طبعا اول شئ تضيفي موقع وزاره التعليم العالي في المفضله وتتابعي الموقع نهايه كل سنه دراسيه تقريبا
يعلنو عن برنامج الابتعاث ويحددو موعد التقديم والشروط بالتفصيل عن كل مرحله سواء ماستر او دكتوراه
ويكون عن طريق الموقع تعبئ ابلكيشن يتضمن كل معلومات الشخصيه والدراسيه وبمجرد الانتهاء من تعبئه البيانات واذا انتي مستوفيه الشروط (النسبه والعمر ..) راح يعطوكي رقم الطلب ويرسلولك رساله على ايميك بالرقم وكلمه المرور وتفعلي الرقم وتنتظري يرسلو لك رساله على الايميل والجوال وعلى صفحتك في موقع الوزاره ( زي الاودس ) وسوف يطلبو مجموعه اوراق ويحددو لك موعد لتدقيق المستندات في فندق المرديان وباخذو منك صور من الشهاده والجواز .... الخ
الحمد لله اوراقي كانت كامله لاني عارفه كل شئ وكل خطوه لان السنه الماضيه بنت خالتي قدمت وقالتلي على الصعوبات اللي واجهتها عشان اتحاشاها
ويعطوكي ورقه افاده بانهم اخذو منك الطلبات وبعدها تنتظري الجرايد يعلنو فيها ارقام الطلب واذا رقمك موجود معناتها انك ضمنتي البعثه ان شاء الله وسوف يحددو موعد لدوره الزاميه لمده شهرين ( تتضمن انجليزي وحاسب ) وبعدها تاخذي موعد وتسوي الفيزا وتاخذي قبول المعهد وامر الاركاب منهم وتسافري بالسلامه
ملاحظه : طبعا بين الخطوه والثانيه شهر او اكثر (من يوم التقديم الى موعد السفر 6 شهور اذا امورك تمام ومافي اي تعقيدات وممكن سنه اذا عندك مشاكل او اوراقك ناقصه او الفيزا اتاخرت ...)
واي سؤال لايردك الا الكيبورد
دعواتك