ما خاب من استشار,,أكمل بهالجامعة والا شوفو باقي الخيارات بليز :(

[عـآزفـ الكيـبورد ـة]

بسم الله الرحمن الرحمن الرحيم ::


السلامــ, ورحمة المولى وبركاته العظمى عليكمـــ،

شباب,,بنات ,,

أرجوكم تساعدوني ,,

وتقولولي رايكم بكل صرآآحة لأنه منجد محتارة ,,

أنا ابغاكم تصوتو لأحسن تخصص ممكن أختاره ضمن الثلاثة هاذي لانها توفرتلي كلها .. بس باللحظة الأخيرة قلبي انقبض بعد الاستخارة ,,ولا أدري وش أختار ,, قلت استشير ناس بنفس سني ,, ومن فئات وشرايح مختلفة بالمجتمع واشوف تصويتاتهم واتوكل على الله بعد ما أخذت بالأسباب ,, والمثل يقول استشير ألف وسو اللي ببالك ,,

مؤهلاتي ,,

معدلي بالسمستر اللي فات 5 ,, اذكرو ربكم ..
أجنبية ,, كنت دايما الأولى على صفي ,, مناهج الجامعة أحسها ضياع عمر كله مكرر ,, وأحس لو درست مليون سنة زي كذا بيظل عمر عقلي البيولوجي 10 سنين ,,


التخصصات اللي توفرت لي :

1- طب بكلية ابن سينا الطبية -منحة مدفوعة التكاليف- بشرط جراحة قلب ,,
وهالشي أنا مقتنعة فيه بكل جوارحي والدنيا كلها عارفة انو أنا حدرس طب ومشجعتني ,, بس خلال الاجازة حسيت ببياخة التخصص كوني بدرس بكلية محلية واضيع 15 سنة من عمري ,, والراتب على قد الحال والوظيفة ان لقيت-الاولوية للسعوديين الذكور اللي درسو برا - والحياة بتضيع مني ولا عشتها واختلاط ونا بنت قبايل ,, يعني انسى شي اسمه حياة خاصة وزواج واستقرار .وهالمنحة لازم أوقع عقد اني ادرس واشتغل واتخصص جراحة قلب ,, ون سحبت أدفع كافة المبلغ المدفوع ,, والواحد مو ضامن عمره .

========


2- حاسب نظم وبرمجة بعبد العزيز
-الهدف مادي لتصميم برامج تجارية ضخمة تدر مئات الألوف -
لكن فكرة اني أعيد أدرس مواد واضيع عمر فيها والدراسة مو ذاك الشي- بس عشان شهادة ما رح تنفعني الا بوظيفة محدودة الراتب ان لقيت لان السعوديين أولى !!
والشهادة الجامعية صارت قديمة !!

3 - أقعد ببيتنا وأتزوج وأجيب بزورة - الدنيا تخوف والجبن نط علي فجأة - وبنفس الوقت لين يجيني نصيبي أتعلم من النت لغات برمجة ومن ناس أعرفهم تصاميم برامج ,, ومن تجار يقربولي طلب السوق ,, وأدخل فلوس وأتعلم بدون قيود من بيتي ونا معززة مكرمة ,,

===========

لمعلوميتكم:::

أنا جننت أهلي بكل ما تحمله الكلمة من معنى لين دخلت عبد العزيز ,, وجننتهم أكثر لين طلعت المنحة ,, ولازم أعطيهم القرار النهائي قبل لا أوقع عالعقد اللي حيجي خلال الاسبوعين الجاية .

===========


بالله يا جماعة مو شي يموت حيرة ,,

أنا انسانة مؤمنة جداً بأن الخيرة فيما اختاره الله ,, أخذت بالاسباب وتوكلت واستخرت والحين بستشيركم ,, عشان ما أبغى بيوم أقول لو كان وكان !!!

الخلاصة ,,

انتو بخلفياتكم الاجتماعية والفكرية والشخصية المختلفة وبعد ما اعطيتكم كل الخيارات والظروف والمبررات ,, لو كنتو محلي وش تختارون من تخصص ؟؟!!


أدري طولت عليكم ====> السلام عليكم ,,