تجمع طلاب وطالبات خطه (أ) تحضيري اداري وانساني (دفعه 11 )

[والله حالة !]

للحين ما أشتريت الكتب أنا ..

وأمس حضرت محاضرة الإنجليزي بس إكتمل عدد الإنتظام قالوا بنات الإنتساب يتفضلوا برى

ولقطنا وجهنا وخرجنا .. " كنا بنتين بس "

وكم مرة تكرر معي نفس السالفة

أروح أحضر وفي نص المحاضرة أنطرد .. !!!

والرياضيات ما لقيت لي مكان .. فللل القاعة ما شاء الله

وبعدين طفشت من ذي الجامعة الكبيرة وفيها بنات أشكالهم معفنة

مو كلهم بس طفشت عاد

كلهم نظارات شمسية وشعور منفوشة وأحمر أخضر أزرق ومراهقات متهيئات

وبعدين أنا ما عمري شفت بنت تسوي لي فيها ولد وتقعد تضايق في بنات الناس

ومقصقصة شعرها كله مدري حالقة نصه

في أمريكا نحن وإلا إيش ؟؟ إيش الأفلام الهندية ذي ؟؟ حتى الهنود ما عندهم كذا

وكمان طلع قرار السنترا الله يسامحهم

وكمان التحويل للإنتظام مو سهل .. وعلى كيف كيفهم

خلاص خلاص أنا محطمة أبغى أنسحب .. بروح الجامعة العربية المفتوحة شهادة بريطانية معتمدة

وإن ما تيسر لي نقل للعربية ما أقول إلااا : " ما لك إلا خشمك ولو هو أعوج "

يازين أيام الثانوي بس ..

أول مرة رحت الجامعة بكيت وثاني مرة ذهول وثالث مرة عفتهم خلاص ..

الله يوفق الجميع ويسهل عليكم ياارب وعلينا ..

فتناكم بعافية