اخواتي الطالبات :هنا توضع استفساراتكم ---طالبات فقط

[nour al3mr]

المشاركة الأصلية كتبت بواسطة rere.r يا نور انا اخذت كتاب مسارات علم النفس,, بس ما تغير هو نفسه الي اخذوه صحباتي العام,, بعدين الماده هذي سنترا,,

آهـــــــا..
يمكـــــــن لأن صديقتي درسته من 3 سنين..
كويس أنك أتـاكدتي قبل ما أورط أحد
يعطيك ربي العافية ويجعل التوفيق حليفك..

المشاركة الأصلية كتبت بواسطة رورو السلام عليكم ورحمة الله وبركاته أنا خلاص تعبت بحاول اضيف مبادئ اداره عامه ومع انه في شعب فاضيه في السنترا وحذفت الماده اللي بنفس وقتها مع كده لما تطلعلي المتاحه يكون دوامها في الجامعه و محاضراتي كلها سنترا مو معقول اروح الجامعه علشان ماده ليش باقي الشعب ما تطلع؟؟؟؟؟؟؟؟؟؟؟؟؟؟؟؟؟؟؟؟؟؟؟

وعليكــم السـلام ورحمة الله و بركـاته ..
شكلهم قرروا عليكم المادة دوام رسمي..
بس تعب عليك..
حاولي تنزلي مادة ثانية من الخطة لو لسه في مواد متاحه لك من دون متطلب ..
ربي يوفقك ويسخر لك كل خير ..

المشاركة الأصلية كتبت بواسطة rere.r بنات انا قدر الله علي وتوهقت واشتريت من مكتبه الجامعه كتب الانقلش مصوره طبعا,, وطلع عندي صفحات ناقصه والخط مو واضح ومرررررررره سيئه,, وابغى ارجعها واخاف ما يرجعونها وش اسوي

أزمـة الكتب المصـورة ماتغلق ..
الله المستعان ..مافي اتقان للتصوير الله يصلحهم..
شوفي لو في بنت ترضى تأخذها منك..
لأنه في بنات عندنا كانوا يرضوا وماهمهم ماشاء الله ..
إذا لا .. روحي للمكتبة واشتكي على عدم الجودة ..وشوفي يمكن يبدلها ولا يرضى يردها..
الله يصبرك ويفتح عليك ..

المشاركة الأصلية كتبت بواسطة be or not to be مسآء الخير ., مين عندها إيميل الإنتساب ؟ .. بليييييييييييز بنات محتاجته ضروري .. ابي أضيف مقدمة في الأدب وماتطلع معاي الشعب .. أرسلت معاملة إلكترونيه وجاني الرد انو اتصلي على شطر الطالبات اتصلت قالوا ارسلي على ايميل الانتساب

والله ما أعرفه أبدا..
بس اللي أعرفه أن كل مستوى في القسم له مرشدته الأكاديمية الخاصة..
طيب أرجعي اتصلي على الرقم اللي عندك..
وقولي لهم يعطوك الأيميل..
الله يعينــــــــك..

المشاركة الأصلية كتبت بواسطة s.w بناااات بليز ابغى اشتري الكتب ذحين بس ماني متاكدة انا انتساب مطور والدورة حتبدا 28 /12 رحت عند استاذة جيهان الحسن عشان اسئلها عن كتاب الفرنسي قالت ارد منك تقول ماادري انتو حتكونو زي التعليم عن بعد يعني المذاكرة من المحاضرة او زي الانتساب العادي من الكتاب والا الان ماردت عليا وارسلتلها ايميل ومافي رد جاااااااااوبووني اللي تعرف الله يخليكم ؟

أبدأي خذي خلفية عن اللغـــــــة ..واحفظي الأساسيات زي الارقام و الشهور و الساعة ....الخ
لأنه في اشياء أكيد بتكونوا مطالبين فيها .. بالذات الأفعال وتصاريفها..
فلا تنتظري .. حاولي تتعلمي الأشياء بالذات انها لغة جديده ..
ربي يوفقك ياقمـر..

المشاركة الأصلية كتبت بواسطة wrood عزيزتي ام حمدان يعطيكي العافيه على الموضوع عندي استفسار عن الشعب انا الان مستوى ثالث انتساب سنترا كل مااختار شعبه مايقبل يعني من جد مو عارفه اختار شعبه ؟ ايشش العمل بليز ساعديني ؟

بإذن لله تفيدك أم حمـدان ..
لأنه ماهندي خبرة للأسف بالسنتـرا ..
بس يمكن في تعارض في المواد عندك عشان كذه ماتنضاف.. وأتاكدي ان المواد مو متطلب..
ييسر لك ربي كل خير ..

بالتوفيق للجميـــــــع..~