تجمع الكيميـــــــــــــاء العـــــــــــــامهــ..

[MSF]

ردا على الأخت صاحبة السؤال عن أساتذة الغير العضوية وتعقيبا على كلام الأخ The Lonely man

بالنسبة كما أشار الأخ The Lonely man عن المواد أن كيمياء 221 عند الدكتور عمر الزين فهو من ناحية الشرح جدا متمكن بالعامي فاهم ، لكن اللي يعيبه بعض أسئلته وماهو زي ما صوروها الأخوان أو من اللي يتصورونه حاليا طلابه إنها معقدة ، أما من ناحية الإشراف على بحث أو رسالة فأنا ما أنصح فيه لعدم تفرغه أولا وثانيا لمرضه - الله يشفيه وكافة المسلمين - ثالثا تعامله ماهو بالتعامل الراقي إذا الشباب ما تحملوا أسلوبه بيتحملون البنات ؟!!.

عن الدكتور أحمد عمر بغلف فزي ما قال الأخوان يدرس مادة 322 شخص على خلق عالي واحترام شديد يقدر العلم واللي يبغى يتعلم ويقدس العمل والنظام ، عن التعقيد اللي وصفوه فيه الشباب فلا أساس له من الصحة يمكن يكون شرحه صعب الفهم في بعض الأحيان واللي مايفهم منه شئ يروح له المكتب بيلقى اللي يسره عن أسئلته في المتناول لكن من يريد أن يصل لشئ عليه أن يتعب ، أما عن البحث أو الإشراف على رسالة فأتوقع من قامة مثله في الإحترام أن يكون سعدا على من يشرف عليه .

الدكتور محمد اسحاق غلام شخص طيب كما ذكر الشباب له صيت عالي عند الطلاب بسبب - بالعامية ما عندك أحد في المراقبة - لكن ما أهضم الرجل حقه لأنه بحر علم ما شاء الله .

عن الدكتور مخالد : من قال لا أعلم فقد أفتى ، لأني ما أبغى أعطي معلومة من وكالة يقولون . لكن اللي بيعرف يسأل طلاب 322 في الفصل الصيفي قبل الماضي وكم الطلاب اللي حملوا المادة .

أخوي The Lonely man
أشوف عندك معلومات كثيرة عن القسم ما شاء الله عليك لدرجة إنك تعرف عن بغلف وإنت لسه ما أخذت عنده وللأسف المعلومات اللي عندك خطأ ، تبغى نصيحة أخو قفل إذنك في القسم واعرف من تسأل عن اللي ما تعرف لا تسأل كل من هب ودب لأنهم راح يضيعوك ، وعن قستي - الله يشفيه - يعني مستغرب مدحك فيه فهو دكتور شرحه سئ شرحه والطلاب أخذينه مسخره عشانه ضعيف وصدقني بتندم كثير في 242 لو اعتمدت على شرح قستي فاحمد ربك على إنه صار السيد هو اللي يدرسها . أتمنى يكون كلامي ما يكون ضايقك وأتمنى لك التوفيق وللجميع .