موسوعة مشاكل الجداول والحذف والإضافة ( أرجو التفاعل )

[rayoood]

السلام عليكم..
.. كل عام وانتم بخير
جاتني فكرة ..
ليه ما نخلي مشاكل الجداول والحذف والإضافة كلها في موضوع واحد
ويصير الموضوع أشبه بالموسوعة لكل صاحب مشكلة -الله لا يجيب مشاكل- بدل اللخبطة دي كلها ؟؟

راح أبدأ بنفسي ... احم احم

البارح انعزقت عزقة محترمة في الجدول.. ههههه!!
انا في أول سنة ليا في التخصص لغة انجليزية
ونزلولي جدول مالو أي علاقة بالانجليزي!! مع العلم ان معدلي 4.91 ( قولوا ما شاء الله!! )
كله تحليل كمي وتحليل احصائي ورياضيات واحصاء..الخ
حاولت من هنا ومن هناك.. وفي الأخير طلعت بجدول يمشي الحال .. لكن 13 ساعة !

طب فين المشكلة؟؟

المشكلة يا سادة..
في اني ماني عارف ايش هي الخطة القديمة اللي انا ماشي عليها
وكمان ماني عارف كم عدد ساعاتها
وكم عدد الساعات المعقولة في الترم يعني لا تعتبر كثيرة ولا تعتبر قليلة لأني أداوم من مكة كل يوم !

فهل 13 ساعة قليلة ؟؟ لأني صراحة شايفها قليلة وأخاف أشيب وأنا في الجامعة خخخخ