تــأمــلات في الطـفــولــة

[شــفــافـــة]

هل صادفت يوماً طفلاً ألجمك سؤاله حتى عجزت أن تستحضر إجابة؟
هل مر عليك طفل من فرط دهشته يعبر عن كلامه ببلاغة عفوية؟
هل تأملت خيالات الأطفال ... و بساطة أحاديثهم..
وعمق تفكيرهم الذي يبدو للوهلة الأولى سطحياً؟؟!!!

أتمنى من الأعضاء يحكوا لنا عن مواقفهم مع الأطفال
وأسئلتهم الصعبة وأجوبتهم الغريبة وتعابيرهم الذكية


بما اني طرحت الموضوع راح ابداء
مره شفت ولد خالي الصغير (حمودي) جالس يطالع في اخته (عمرها ثلاث شهور)
والظاهر انه مو مستوعب حكاية الحمل والولادة
المهم رحت عنده وسألته ليش تطالع فيها كذا؟ وخر عنها عشان لاتكتمها
قال لا بس هي ماتتكلم ...يعني ماتفكر؟!
انا اتوهقت وش اجاوبه...قلت له الا اكيد تفكر
قال طيب انا ابغى اسمع تفكيرها!
انا يوم شفت الدعوة فيها مسألة تفكير قلت ابعد عن الموقف كله احسن وقمت من عنده
الا وهو لاحقني
سألني سؤال للحين ماادري كيف اجاوب عليه لو بجاوب
قال لي : الحين انتي لما جيتي من بطن امك كيف عرفتي نفسك؟!
وقتها ماجا في بالي الا قصيدة لإيليا ابو ماضي


جئت لااعلم من اين ولكنى اتيت

ولقد ابصرت قدامى طريقا فمشيت

وسابقى سائرا ان شئت هذا ام ابيت

كيف جئت كيف ابصرت طريقى

لست ادرى


بس كيف اشرح له؟؟؟

لما مره حسيت اني انحكرت دورت حولي ولقيت بلونه نفختها له واعطيتها اياه
ونسي الموضوع واتلهى بالبلونة

بس انا مانسيت